Tekang Kbuten 39:14 - Udél Dwata: Gna Kesfasad ne Lomi Kesfasad

¹⁴ tódô kendel tnabahen yó kem dumu tau gel mò nmò bè yó, monen mò kul, “Hnénég ye dé. Yóm tau Hibru nwit tuha logihu ebè ni, tey kehyaken tekuy. Tódô noloen ou ditu lem dfél, bede laen kô dù gmoen abay se tey klangatu.

Tekang Kbuten 39:14 Iomraidhean Croise

Tekang Kbuten 14:13

Okóm wen sotu tau lemwót bè yó mlóy etu bè Abram ne gotu tulónen du yóm kdéen. Yóm Abram ni tau Hibru, yóm menwu moni bè yó kem koyu lembang nfun Mamri yóm tau Amurayt. Yóm Mamri ni, wen lewu dumuhen setwoli logi boluy le Iskol ne Anér, hono kem kun dumu sofin Abram.

Tekang Kbuten 39:13

Timbow ton yóm libun yó yóm lafin nes Jusif gtebel lem hólólen ne yóm klóyen ebè lewà,

Tekang Kbuten 39:15

Bè yóm kungolen du yóm langatu, tódô mlóy hewà ne gtebelen béléu nim lafin nesen nii.”

Tekang Kbuten 39:17

Timbow kól, bud senged se tulónen du, monen, “Yóm tau Hibru hesek nwitem ebè ni, deng noloen ou lem dfél, tô henyaken ou.

Tekang Kbuten 39:7

Timbow deng legen udì bè yó, deng mom niwol yehen Putifar Jusif ne tô nbóten.

Tekang Kbuten 40:15

Bè ktahuhen, tódô hnugus kenfô le ou bè kum benwu yó kem tau Hibru ne balù bè ni bè Idyip, tódô knukub le ou hkawang.”

Kem Lingón 120:3

Yu kem tau gel mò kéng, tedu se angat nmò Dwata bélê ye? Tedu se kmò angat ktafaken kuy?

Kem Lingón 35:11

Yó kem tau alì móyô hmatay dou, tódô le tmifù kéng. Dnelem le ou bè yóm salà là deng dou tngón du.

Kem Lingón 55:3

Tey kehtê le dou yó kem hohonu, nifis le ou. Tendo hnayam le ou, lel le kmutó nawa dou, mung du lebut le.

Kem Udél Hlalak Tehe Selumun 10:18

Mò kéng yóm tau hnalaen yóm kutó nawahen ke dumun. Ne yóm tau hensideken boluy kem dumun, book.

Isaya 54:17

Okóm laen kô dù ngom sfatay gembek hemsidek kuy. Sal gel wen balaem kul yó kem tau dmuón kuy hkawang. Sal gel nfihu yó kem dou tau tóbóng lówó ne sal gel hegmou lu bè hohon le.” Ni se udél yóm Dwata hol gónó mogot.

Matyu 26:59

Ne lemwót yó kem tau geta bè yó kem gel demsù ebè Dwata ne kdê yó kem tau geta mogot kukum, mebel le dalil mò lan le hfatay ke Jisas lemwót bè yóm gel tifù yó kem dumu tau, baluen ke là tahuhen.

Matyu 5:11

Tey kehyuhen bélê ye,” mon Jisas, “ke hennê le yu, ne ke hensidek le yu, ne ke dê sidek udél le eta ye lemwót bè yóm klolò ye do.

Kun Snulat Luk 23:2

Yóm deng kkól le bè yó, tódô gotu tulón le yóm kdê tifù le du, yó mon le, “Nim tau ni, deng mom niten lu hetlas yó kem Ju, ne bnekelen yóm gel kbayad me bwis bè yóm tau hol geta bè Rom. Ne yó sotu gel monen nim tau ni, du kun yóm Misaya, sotu tau hol geta.”

2 Kurin 6:8

Wen se gel madat kum, ne bud wen se gel hemgnok kum. Wen se gel hemnê kum, ne bud wen se gel dmóyón kum. Wen se gel hemkéng kum, ewenem, hono tódô tahu yóm gel tulón me.

1 Pitér 2:20

Ke wen gónó le tmafak kuy lemwót bè kuy salà, baluen ke gbek ye hembala du, là kô dóyón Dwata kuy, abay se kuy salà. Okóm ke tódô tnafak le yu hkawang igoen laen dù sidek nmò ye, ke gbek ye hembala du yóm yó, tey któbóng Dwata kuy.