Tekang Kbuten 39:1 - Udél Dwata: Gna Kesfasad ne Lomi Kesfasad

¹ Bè yóm deng kwit le ke Jusif ebè Idyip yó kem tau Ismaél, bud hbalù le se kul bè yóm sotu tau boluyen Putifar yóm tau genlal yóm Faro bè yó. Yó glalen du, du kfitan bè yó kem tau gel mentey bè yóm gónô bongen.

Tekang Kbuten 39:1 Iomraidhean Croise

Tekang Kbuten 37:25

Bè yóm igò le tolo mken tódô ton le yó kem tau stodol mógów gu ditu, hono kem tau mit udél swa semfu gu bè Ismaél. Bè yóm kógów le yó, lemwót le gu bè Gilyad mógów le ebè Idyip. Sket lenulón le yó kem kamél yóm kdê kay som gel hbalù le ne yó kem litok koyu gel nmò bulung ne nmò yó kem hboo alì tilob boohen.

Tekang Kbuten 37:28

Ne timbow le kól bè yó, yó kem tau gel mit udél swa yó koni, lemwót yó kem twogu Jusif senkteng le Jusif gu lem yóm kokol nelem ne hbalù le bè yó kem tau mit udél swa bè lewu folò botù blówón bukay. Lemwót se kul yó kem tau mit udél swa yó, hlós nit le Jusif ebè Idyip.

Tekang Kbuten 37:36

Ne ditu bè Idyip, lemwót yó kem tau mit udél swa yó koni, bud hbalù le Jusif bè Putifar yóm sotu tau genlal yóm Faro bè Idyip. Yó glalen, du kfitan bè yó kem tau gel mentey bè gónô bong yóm Faro.

Tekang Kbuten 40:3

Tódô heblangguen lu bè yóm sotu gónô blanggù bè gónô yóm kfitan gel mentey du, bè yóm gónón blanggù Jusif.

Tekang Kbuten 45:4

Omin Jusif bud mon du mò kul, “Yake hloni ye edini dé.” Tahu se, hloni le. Ne monen mò kul, “Ou se Jusif, yóm twoli ye tehe hbalù ye edini bè Idyip.

Kem Lingón 105:17

Okóm eles wen tau hógów Dwata tukô gna kul ebè Idyip, duhen Jusif yóm tehe hbalù le mò hesek.

Kul Nmò 7:9

Okóm,” mon Stéfén, “yó kem tau setwoli yó, deng mom mélés nawa le yóm twoli bélê le boluyen Jusif, tódô glef le hembalù du mò hesek ditu bè Idyip. Okóm tendo eles mung du Dwata,