Tekang Kbuten 38:9 - Udél Dwata: Gna Kesfasad ne Lomi Kesfasad

⁹ Okóm lemwót bè yóm deng ketngón Unan du angat là kun du funen yóm ngà, yó nmoen ke sentungóen Tamar, là heflósen du yóm él gu béléen, mom hetdaken ebè tonok anì là mngaen mò nfun yóm dumun sulil-lem.

Tekang Kbuten 38:9 Iomraidhean Croise

Tekang Kbuten 38:10

Okóm yóm nmò Unan yó, tey sidek kton Dwata du, ne yó gónó Dwata ma klowilen.

Job 5:2

Tey nungel yóm tau hmosok ke Dwata ne yó se gónón angat meglà. Tey tau là hulungen hedem yóm tau mélés nawahen ne yó se but angat gónón matay.

Kem Udél Hlalak Tehe Selumun 27:4

Yóm kebut tau tey sidek ne tey te glayam du okóm udì he nim ni ke hsenged te bè yóm keglayam te du yóm klenget tau.

Taytus 3:3

Tehe yu ekni, tehe wen se kut gel ungel, là kô te gel himón, là se dilô te du yóm ktahuhen. Tey kegfét te bè yóm sidek knóyô lówó te, ne bè yóm dê kenbeyen nawa te. Deng te gu lemen se kut yóm sdù ne yóm sélés nawa ne yóm sutó nawa.

Sulat Jim 3:14

Okóm yóm tau tendo wen élés nawa lem hendemen lelen seglom, béen abay hton salù bè yóm kwen ketngónen yóm tau yó.

Sulat Jim 3:16

Ke wen tau gónó tekuy mton du yóm sélés nawa ne yóm nawa seglom, yó se gónó ye mton du yóm alì sidek kesbewegen, mung du yóm kdéen nmò sidek.

Sulat Jim 4:5

Là kóen na a kéng yóm monen bè Sulat Dwata, yóm monen, “Yóm nawa deng tehe blay Dwata tekuy, deng mom baling nawa alì móyô mò du yóm sidek.”

Rut 1:11

Ne yó bud mon Numi mò kul, “Là, kem Yô, mom hyu he ke tódô ye bud mulék. Moen du ke tô ye mung do? Ilóem ofo kuy kô ke bud wen ngau logi mò hyehenu kuy?

Rut 4:10

Ne sotun, ou ne myehen ke Rut yóm libun bolu tehe yehen Malun, libun lemwót bè Muab. Ke wen ngà me, du se tles mfun yóm tonok tehe tebel Malun anì là lanahen bè kun fes lówó yóm tonoken yó. Ne là lanahen yóm kun sfu lem blóng yó kem kun tau ne bè yóm kun benwu. Yu deng gemtanud du nim kemdaw ni.”