Tekang Kbuten 38:26 - Udél Dwata: Gna Kesfasad ne Lomi Kesfasad

²⁶ Tódô dilô Juda kun funen ne yó monen, “Kun ktahu se yó, abay se là dnohou du yóm tehe fasadu du bè yóm tô kehyehenu du bè ngau Sila.” Okóm là kô bud sentungô Juda ke Tamar ne.

Tekang Kbuten 38:26 Iomraidhean Croise

Tekang Kbuten 37:33

Ne tódô dilô tuha logi se kun, monen, “Tahu se, kun nes nim ni. Deng wen ógóf lem bnes msék du. Deng tahu wen ógóf msék du yóm ngau Jusif.”

Tekang Kbuten 38:14

Deng eles tngón Tamar deng bong logi Sila, okóm là kô dog htaba le du mò yehenen. Yó nmoen, tenlesen yóm nes libun bolu leseken anì laen dù dmilô du. Ominen myón bè kilil yóm lan husek elem benwu Inaim yóm lan mógów ebè Timna.

Tekang Kbuten 4:1

Timbow sentungô Adam Ib yóm tuha libunen, tódô mlutut ne mngà logi. Yó udélen, “Lemwót bè tóbóng Dwata dou, yó gónóhu mngà logi.” Ne yó gónóhen moluy du Kain yóm ngaen yó.

2 Samwél 16:22

Tahu se, wen slung hdà le bè Absalum bè yóm gónó hnos ta ketef yóm gónô bong, ne ditu ta gotu sentungô Absalum lu yó kem libun nmu maen igò le temngel yóm kdéen tau bè yó.

2 Samwél 20:3

Timbow kól bè gónóen bè Jirusalim Dabid, hangayen yóm sfolò kem libun nmuhen tehe tebelen mò semgifà yóm gónóen. Ominen bud hemsù kul bè yóm sotu gónô, ne wen hbenteyen kul, ne gotu blayen kul yóm wen mu le du, okóm là bud sentungóen kul. Tódô le nô bè yó efet katay le, hol lómón ke deng le baling libun bolu.

2 Samwél 24:17

Timbow ton Dabid yóm hógów Dwata mit hatay, yó monen mò ke Dwata, “Ou se yóm deng gemsalà béléem, ne bud ou se mò du yóm sidek. Okóm kul ni kem tau ni, hol lómón ke ubiha le, laen dù sidek nmò le. Ou ne tnafakem homongem yó kem fes lówóhu.”

Job 4:5

Okóm ni, na a uu wen gbunuen, tódói hmung là gbekem mbô du.

Job 40:5

Tey gulé ne yó kem deng udélu. Ne ni laen bud duen ne.”

Hbakuk 1:13

Ne hyu se yóm nmoem yó. Okóm tódô bayaem kul ne kô yóm tey sidek nmò le bélê me ni? Deng tngónu lemwót bè yóm klaen dù belenem là kô nam e gbek tódô tenngel du kóm yóm sidek. Là móyói mton du kóm yó kem tau mò du yóm là tedengen. Ke lómón yó yóm kóm kmò, moen de ke tódói henek bè yóm igò le alì hemsidek kum, mi kem tau tedeng kmoen senta le?

Matyu 3:8

Ke deng knogol ye yó kem sidek gel nmò ye, hol hdilô ye bè kmò ye dé.

Kun Snulat Jan 8:9

Bè yóm kungol le du yóm kbalà Jisas kul yó, tódô le gotu hlana lemwót ket kul na sotu, gna hlana yó kem tuha bélê le. Ngangen tek són Jisas tebel bè yó. Sana kdaen bè yó se yóm libun.

Sulat Pol Ebè Yó Kem Tau Hemtahu Bè Rom 13:12

Ke hlingónu du, hol lómón ke móyónen mwas ne. Yó gónóm mon, hol kó tekuy ne yó kem sidek gel nmò tau lem gónón kmifu, tles nmò tekuy yóm hyu. Yóm hyu, hol lómón ke ngom sfatay eles nwit tekuy lem gónón lemayag.

Sulat Pol Ebè Yó Kem Tau Hemtahu Bè Rom 3:19

Nim udél Dwata ni koni, deng tngón tekuy se yóm kegbaken ebélê tekuy kem Ju, kem tau gónó Dwata hemsù yóm hlauhen. Angat gotu hdaen bè soluhen yóm kdéen tau bè klamangen benwu. Yó gónóm mon, laen dù lan tekuy kembê du ke tnafak Dwata tekuy bè yóm kulé tekuy yóm kun hlau.

1 Samwél 24:17

Bud monen mò ke Dabid, “Uu se hyu sentahu, deng mom bnalaem hyu yóm sidek tô nmou béléem.

1 Samwél 24:18

Deng htonem do kemdaw ni yóm tey kehyuhem, là kô hnatayem dou igò Dwata deng hemsù dou lem tdokem.