Tekang Kbuten 38:19 - Udél Dwata: Gna Kesfasad ne Lomi Kesfasad

¹⁹ Kogolen bè yó, mulék ebè benwuhen Tamar, ne kóhen yóm nes limunen lem uyóhen, ne bud tles leseken yóm nes libun bolu, lómón yóm deng gel nmoen.

Tekang Kbuten 38:19 Iomraidhean Croise

Tekang Kbuten 38:14

Deng eles tngón Tamar deng bong logi Sila, okóm là kô dog htaba le du mò yehenen. Yó nmoen, tenlesen yóm nes libun bolu leseken anì laen dù dmilô du. Ominen myón bè kilil yóm lan husek elem benwu Inaim yóm lan mógów ebè Timna.

Tekang Kbuten 38:18

“Tedu se nóyóem du?” mon Juda. Bnalà yóm libun, monen, “Blayem dou yóm tising gónón nô ilóem mung du féten ne yóm tuged nogotem.” Tahu se, blay Juda du yóm hnihen yó, ominen semtungô du ne mlutut Tamar.

Tekang Kbuten 38:20

Tikóng hfeted Juda ke ween Hira yóm tau Adulam, yóm ngà kambing tehe fasaden du, ne anì bud nwahen yó kem deng hlun suen béléen, okóm là kô bud ton Hira ke Tamar.

2 Samwél 14:2

Yó gónón hangay yóm libun hulung hedem lemwót bè Tikwa. Tikóng gdek bè yó yóm libun yó, yó mon Juab mò du, “Hlingóni libun langag, lesekem yóm nes langag, ne béi abay dyo duhen ke lemunol hboo. Hol lómón ke uu yóm libun deng legen klangagen.

2 Samwél 14:5

Snólók yóm tau hol geta, monen, “Tedu de gfaem?” Bnalaen se, monen, “Libune bolu.