Tekang Kbuten 38:14 - Udél Dwata: Gna Kesfasad ne Lomi Kesfasad

¹⁴ Deng eles tngón Tamar deng bong logi Sila, okóm là kô dog htaba le du mò yehenen. Yó nmoen, tenlesen yóm nes libun bolu leseken anì laen dù dmilô du. Ominen myón bè kilil yóm lan husek elem benwu Inaim yóm lan mógów ebè Timna.

Tekang Kbuten 38:14 Iomraidhean Croise

Tekang Kbuten 24:65

ne snólóken yóm tau tóbóng lówó Abraham, monen, “Tau du yóm semlong tekuy yóó?” Yó balaen du yóm tau tóbóng lówó Abraham, monen, “Yó se yóm gónóhu mogot.” Omin Ribika ma yóm dudumen, ne sengen bè uyóhen.

Tekang Kbuten 38:15

Tikóng ton Juda bè yóm kiusen klohoken, hendemen libun hdóyón, abay se lenimunen lem uyóhen.

Tekang Kbuten 38:19

Kogolen bè yó, mulék ebè benwuhen Tamar, ne kóhen yóm nes limunen lem uyóhen, ne bud tles leseken yóm nes libun bolu, lómón yóm deng gel nmoen.

Tekang Kbuten 38:26

Tódô dilô Juda kun funen ne yó monen, “Kun ktahu se yó, abay se là dnohou du yóm tehe fasadu du bè yóm tô kehyehenu du bè ngau Sila.” Okóm là kô bud sentungô Juda ke Tamar ne.

Kem Udél Hlalak Tehe Selumun 7:10

Ne yó tódô wen libun semlong du, tey kehegkesen ne eles hendemen yóm mò kmò kgoyen du.

Kem Udél Hlalak Tehe Selumun 7:12

Yó nmoen, tódô keten bè yó kem gónón wen tauhen mangat.