Tekang Kbuten 38:12 - Udél Dwata: Gna Kesfasad ne Lomi Kesfasad

¹² Nahen legen bè yó, matay yehen Juda. Tikóng deng yóm kdaw klangag Juda du, lemwót Juda lewu le ween Hira yóm tau Adulam, mógów le ebè Timna na le e nauy yó kem tau gmunting bul yó kem ubihahen.

Tekang Kbuten 38:12 Iomraidhean Croise

Tekang Kbuten 24:67

Omin Isak mit ke Ribika ebè yóm gónô tehe gónón nô Sara, yóm yéen ne syehen le. Tey kbong nawa Isak ke Ribika ne yó se hemyu nawan bè yóm klangagen ke yéen.

Tekang Kbuten 31:19

Bè yóm kewót le yó, là nóen bè yó Laban, tolo hlunen mungus bul yó kem ubihahen. Lemwót bè yóm là knóen bè yó, yó nmò Rakél, hennagawen yóm dwata lennged nô lem gónô maen.

Tekang Kbuten 38:1

Bè yóm kmoen yó, tnagak Juda yó kem dumun setwoli logi, ne mili etu bè benwu Adulam bè yóm tau boluyen Hira.

2 Samwél 13:39

Tikóng deng mkó klangag Dabid ke Amnon, yó mò du tey khahuen ke Absalum.

Kmukum 14:1

Sotu kdaw lemwót Samsun mosol ebè yóm sotu benwu yó kem Flistin boluyen Timna ne bè yó gónón mton yóm sotu libun Flistin.

1 Samwél 25:36

Tikóng kól bè gónô Abigil tódô glohen Nabal, wen tey ken bong nmoen, hol lómón ke du yóm sotu tau hol geta. Tey klengelen, yó gónó Abigil là tagad tmulón du du yóm deng keston le Dabid efet hlafus haya.