Tekang Kbuten 37:8 - Udél Dwata: Gna Kesfasad ne Lomi Kesfasad

⁸ Omin le mon du mò ke Jusif yó kem twoguhen, “Ofo kóm kô ke uu geta bélê me mò mogot kum?” Ne mom milud kutó nawa le ke Jusif lemwót bè yóm knahen yó ne bè yóm gel ktifuen kul.

Tekang Kbuten 37:8 Iomraidhean Croise

Tekang Kbuten 27:41

Ya tey kutó nawa Iso ke Jakub lemwót bè yóm deng kolu mà le du. Yó hendemen, “Móyónen matay ne yóm mà. Ne ke deng matay, hnatayu Jakub.”

Tekang Kbuten 37:4

Timbow ton yó kem twoguhen yóm alì kbong nawa mà le ke Jusif senta yóm kbong nawahen kul, deng mom knutó nawa le Jusif, sónmò le hemskong du.

Tekang Kbuten 37:9

Sotu kifu bè yó, bud kemna Jusif ne bud tulónen yó kem twoguhen, monen, “Wen bud knahu. Tonu kdaw ne bulón ne sfolò sotu blotik, gotu le kóem hegdufok ebéléu.”

Tekang Kbuten 42:10

Mon le se, “Là, Sér. Hono me kem tau hesekem na me e tô bemli ken.

Tekang Kbuten 44:18

Omin Juda hloni ebè Jusif ne monen mò du, “Ó Sér, ke yóm hyu béléem, wen tô tulónu kóm. Ne béem abay lenbut ou abay se yóm uu hol lómón se yóm Faro wen kfasangen hmatay tau.

Tekang Kbuten 49:26

Yóm tehe któbóng Dwata dou, hol bong senta yóm tóbóng tehe tonu lemwót bè yó kem bulul legen ne lemwót bè yó kem bulul lemnek deng legen. Ni kem tóbóng Dwata ni, hol dohò eta Jusif he yóm tau deng htólóng Dwata bè yó kem dumuhen setwoli.

Tekang Kbuten 50:18

Omin le yó gotu mógów ebéléen yó kem twoguhen, tódô le gotu hegdufok bè soluhen, ne yó mon le mò du, “Ni mi mò hesekem.”

Kem Lingón 118:22

Yóm botu tehe senkbê yó kem tau hdà gónô, ofo kul ke botu laen dù muhen, anì monem, hol botu bong muhen bè kdéen mò hembegel yóm gónô hdà le.

Kehewà 2:14

Ne yó balaen du yóm tau yó, monen, “Tau du de hembaling kóm mò gónó me mogot ne mò kmukum kum? Mone tô hnatayem o kô lómón yóm khatayem yóm tau Idyip?” Ya tey sidek klikò Musis ne yó hendemen, “Deng wen ne tau temngón du yóm nmou.”

Kun Snulat Luk 19:14

Okóm wen kem kun dumu menwu kmutó nawa du nim tau na a ma glalen ni. Gloken wen kem tau hógów le huli du ebè yóm tau hol geta, mon le mò du, ‘Là móyô me du kum ke fen geta bélê me nim tau nii.’

Kun Snulat Luk 20:17

Ne tódô tenngel Jisas lu, ne monen mò kul, “Tedu kmò keglileb ye du kuy yóm tehe mon Dwata bè sulaten, yóm monen, ‘Wen botu deng senkbê yó kem tau hemdà gónô, ofo kul ke laen dù muhen. Anì monem, tek sónen yó se botu alì bong muhen mò hbegel yóm gónô hdà le.’

Kul Nmò 7:35

Nim Musis ni,” mon Stéfén, “ni se yóm tau tehe kenbê le, tehe mon le mò du, ‘Ilóu uu kô yóm gónó me kmulu? Ilóem uu kô mogot kukum lem blóng me?’ Anì monem du se yóm hógów Dwata mò mogot kul yó kem tauhen, ne mò lemwà kul. Yó tmóbóng du, duhen yóm hógów Dwata gu bè longit hlingu bè dilóf ofi bè yóm ngà koyu lefungu.

Dwata 33:16

Lemwót bè yóm tey tóbóng Dwata angat tódô tfeng he ta yóm tonok le yó kem alì hyu. Yóm Dwata yó, du se yóm sana Dwata hol gónó mogot tehe mudél gu lem yóm ngà koyu lefungu hono dilóf. Hol dohò eta yó kem sfu Jusif he ni kem tóbóng ni, yakà du se tehe gónó le galak yó kem twoguhen.

Hibru 10:29

Milud he kegtafaken yóm tau ke deng kenbéen yóm Ngà Dwata, ne ke deng kenféen yóm litóen tehe hamaen béléen mò hkó salaen, ne ke sendekaen yóm Tulus Dwata, yóm tmóbóng du. Wen hol mdengen duón Dwata du yóm tau yó, ne tey sidek ktafaken du.

1 Samwél 10:27

Okóm wen kem tau bè yó fen gel hesbeweg benwu mudél sidek eta Sol, mon le, “Tô kegbeken lemwà tekuy du yóm tau ni?” Ne tey kehnê le du ne là kô le dog mit ebéléen yóm mò basa le du. Okóm tódô henek Sol.

1 Samwél 17:28

Okóm gungol Ilyab yóm twogu Dabid, yóm kestulón Dabid bè yó kem tau yó ya tey sidek kebuten du, yó monen mò du, “Moen du ke nói bè ni? Tau du se hbenteyem yó kem ubiha là wen ditu bè yóm benwu laen hol wen tauhen? Tngónu se yóm tey kehegmónem ne yóm sidek gel nô lem hendemem. Yó nógówem olom temngel sfatay.”

1 Samwél 18:8

Ya tey sidek kebut Sol, monen, “Moen ni du? Hfun le ke Dabid sfolò libu ne tek bè libuhen dou. Angat du nmò le tau hol geta kedeng.”