Tekang Kbuten 37:7 - Udél Dwata: Gna Kesfasad ne Lomi Kesfasad

⁷ Knahu gotu benkes tekuy yó kem halay deng kut gnalab bè uma kun. Okóm yóm dou halay benkes, tódô mdà ne fen kudung gu hilolen yó kem kuy halay benkes.”

Tekang Kbuten 37:7 Iomraidhean Croise

Tekang Kbuten 27:29

Yó kem dumu but tau, baling le tóbóng lówóhem ne mtud le bukol bè soluhem. Uu gónó le kmulu yó kem dumuhem setwoli ne mtud le bukol bè soluhem yó kem dumu ngà yéem logi. Yó kem tau hemmulà kóm angat tnafak Dwata lu. Ne yó kem tau tmóbóng kóm bud tnóbóng Dwata lu.”

Tekang Kbuten 37:6

Yó kna tulónen kul, monen, “Ngem, wen knahu.

Tekang Kbuten 42:6

Lemwót bè yóm deng kbaling Jusif gubérnor bè Idyip, yó nmoen, gel hembalù ken bè yó kem tau bè klamangen benwu. Ngangen ne gefet béléen yó kem twoguhen, gotu le mtud bukol bè soluhen ne hegdufok le ebè tonok.

Tekang Kbuten 42:9

Gtulón bè nawa Jusif yóm tehe keknahen kul, ominen mon du mò kul, “Kem tau ye hemkana nim yu. Tô henkana ye ke wen gónón là mbegel yóm kum benwu.”

Tekang Kbuten 43:26

Timbow kól Jusif, omin le ma yó kem mò basa le du ne nit le ebéléen lem gónóen, gotu le hegdufok ebè tonok bè soluhen.

Tekang Kbuten 43:28

Bnalà le se, mon le, “Gò se, tolo mowil he ne hyu klówóhen.” Omin le yó bud hegdufok ebè tonok bè soluhen, mò lan le madat du.

Tekang Kbuten 44:14

Timbow le gefet bè gónô Jusif le Juda ne yó kem dumun setwoli, tolo nô bè yó Jusif. Gotu le hegluduk bè soluhen.

Tekang Kbuten 44:18

Omin Juda hloni ebè Jusif ne monen mò du, “Ó Sér, ke yóm hyu béléem, wen tô tulónu kóm. Ne béem abay lenbut ou abay se yóm uu hol lómón se yóm Faro wen kfasangen hmatay tau.

Tekang Kbuten 44:19

Tehe snólókem mi, Sér, monem, ‘Tolo wen mà ye kô, duhen ke wen dumu ye setwoli?’

Tekang Kbuten 50:18

Omin le yó gotu mógów ebéléen yó kem twoguhen, tódô le gotu hegdufok bè soluhen, ne yó mon le mò du, “Ni mi mò hesekem.”

Flipay 2:10

Duhen yó, lemwót bè yóm kadat le du yóm boluy Jisas, angat le gotu mtud bukol bè soluhen yóm kdéen nô bè longit, ne kdéen nô talak tonok, ne kdéen nô laan tonok, gotu le angat mtud bukol béléen.

Kulasi 1:18

Bud du se hol kulu yó kem tau hemtahu béléen, ne lu henged lówóhen. Bud du se hlowil kul, abay se du yóm hol tekang mowil là buden matay. Yó gónóm mon, du se yóm hol geta bè kdéen.