Tekang Kbuten 37:5 - Udél Dwata: Gna Kesfasad ne Lomi Kesfasad

⁵ Sotu kifu bè yó, kemna Jusif. Ne bè yóm ktulónen du bè yó kem dumuhen setwoli yóm knahen, deng mom bud temnù kutó nawa le du.

Tekang Kbuten 37:5 Iomraidhean Croise

Tekang Kbuten 20:3

Okóm sotu kifu, hegfan bè kna Abimélék Dwata, ne monen mò du, “Dengi matay se kóm, abay se yóm libun nwahem ni, wen yehenen.”

Tekang Kbuten 28:12

Bè yóm ktungóen, wen knahen. Knahen aut slikan tahà lemwót bè tonok ne gefet bè longit, ne wen kem hógów Dwata tonen, maut eta ne wen se mnaul elaan.

Tekang Kbuten 31:10

Bè yóm tehe bulón le móyô hembô yó kem ógóf, wen knahu. Yó knahu, tódô kdê yó kem kambing logi móyô hembô, sal le leglis ne kabang ne buling.

Tekang Kbuten 31:11

Bè yóm knahu yó, wen hógów Dwata gu bè longit mudél ebéléu, monen, ‘Ó Jakub.’ Monu se, ‘Hó. Ni ou.’

Tekang Kbuten 37:4

Timbow ton yó kem twoguhen yóm alì kbong nawa mà le ke Jusif senta yóm kbong nawahen kul, deng mom knutó nawa le Jusif, sónmò le hemskong du.

Tekang Kbuten 37:6

Yó kna tulónen kul, monen, “Ngem, wen knahu.

Tekang Kbuten 37:8

Omin le mon du mò ke Jusif yó kem twoguhen, “Ofo kóm kô ke uu geta bélê me mò mogot kum?” Ne mom milud kutó nawa le ke Jusif lemwót bè yóm knahen yó ne bè yóm gel ktifuen kul.

Tekang Kbuten 40:5

Sotu kifu bè yó lem gónô blanggù, wen kna yóm tau tehe gel mkay ninum ne wen se kun kna yóm tau tehe geta bè yó kem gel mò mambang. Bede sal stólóng lanen yóm kna le.

Tekang Kbuten 41:1

Timbow deng bud lewu halayen bè yó, wen kna yóm Faro bè Idyip. Yó knahen, mdà bè kilil yóm tey él bong boluyen Nayl.

Tekang Kbuten 42:9

Gtulón bè nawa Jusif yóm tehe keknahen kul, ominen mon du mò kul, “Kem tau ye hemkana nim yu. Tô henkana ye ke wen gónón là mbegel yóm kum benwu.”

Tekang Kbuten 49:23

Okóm hlós gentì yó kem hohonen lemwót bè yóm alì kutó nawa le du.

1 Bok Kem Tau Hol Geta 3:5

Bè yó bè Gibyun bè yóm kifu yó, hegfan bè Selumun Dwata, bede hlanen bè knahen, ne snólók Dwata, “Tedu de nóyóem? Mnihi béléu, ne blayu kóm?”

Kem Lingón 25:14

Yóm keswè ke Dwata, són yó kem tau wen klikò le du. Lu se gónón hetngón du yóm deng tehe senfasad le yó kem tehe fù le ekni.

Danyél 2:1

Bè yóm gewu halay Nibukadnisar mogot yóm benwu Babilun, wen kem knahen ne tey sbeweg kegnómen du, botong là kóen gtungô.

Danyél 4:5

Okóm sotu kifu kemnahe ne tey sidek klikou. Yóm igou hlilil bè yóm gónóhu tungô wen hton béléu gónóhu alì likò.

Juwél 2:28

Yó bud udél Dwata, monen, “Kogolen bè yó, gotu suu bè kdéen tau yóm dou Tulus. Yó kem ngà ye logi ne kem ngà ye libun, angat le baling tugodu. Yó kem tuha bélê ye, angat wen heknahu kul. Yó kem logi lomi lemnok, angat wen htonu bélê le.

Amus 3:7

Okóm yóm Dwata hol dandónen geta, là kô wen tagad nmoen lem blóng ye ke là nan ne eles hegfan du bè yó kem tugoden, duhen yó kem tóbóng lówóhen yóm angat nmoen.

Lista 12:6

Ne yó mon Dwata mò kul, “Ni mò hnungol ye. Ke wen yó kem tugodu nô lem blóng ye, tódô wen yóm gel htonu kul ne gele stulón kul mlan bè kna le.

Kun Snulat Jan 17:14

Deng gotu toloku kul, Mà, yóm kóm udél. Ne deng mom knutó nawa le lu yó kem tau là hemtahuhen, abay se là bud nmung le du yóm kul kehedem, lómón yóm dou là kmung du.