Tekang Kbuten 37:4 - Udél Dwata: Gna Kesfasad ne Lomi Kesfasad

⁴ Timbow ton yó kem twoguhen yóm alì kbong nawa mà le ke Jusif senta yóm kbong nawahen kul, deng mom knutó nawa le Jusif, sónmò le hemskong du.

Tekang Kbuten 37:4 Iomraidhean Croise

Tekang Kbuten 27:41

Ya tey kutó nawa Iso ke Jakub lemwót bè yóm deng kolu mà le du. Yó hendemen, “Móyónen matay ne yóm mà. Ne ke deng matay, hnatayu Jakub.”

Tekang Kbuten 37:11

Ya tey kélés nawa le du yó kem twoguhen okóm ke maen kun, sónmoen hemdem du ke tedu lanen yó kem knahen yó.

Tekang Kbuten 37:5

Sotu kifu bè yó, kemna Jusif. Ne bè yóm ktulónen du bè yó kem dumuhen setwoli yóm knahen, deng mom bud temnù kutó nawa le du.

Tekang Kbuten 4:5

Okóm fen kenbéen yóm kun dsù Kain. Ya tey sidek kebut Kain, ne tey sidek kegnómen du.

Tekang Kbuten 49:23

Okóm hlós gentì yó kem hohonen lemwót bè yóm alì kutó nawa le du.

Kem Lingón 38:19

Tey le wen yó kem hohonu. Tey kutó nawa le dou igoen laen dù salà nmou bélê le.

Kem Lingón 69:4

Tey dê kem tau kmutó nawa dou balù yóm klaen dù duón le dou. Ke nsóhem lu, bong le wen senta yó kem balu weku. Tey dê udél le gbak ebéléu hono kéng. Tey le kemgis yó kem tau yó, kóyô le ke ghatay le ou. Laen kô dù deng hennagawu bélê le, okóm deng mom henni le ou swì.

Jirimaya 12:6

Balù yó hem logi hol dumum sulil-lem hol kóm fes lówó, deng gbót hohon le uu. Hol béem abay snalig lu baluen ke tey tilob kmò le ebéléem.” Là gomongen bè nili yóm bérs 7 kól bè bérs 13. Yó tulónen bè ni kem bérs ni yóm alì kekbê Dwata du yó kem salà nmò yó kem tauhen, lelen tey sidek kegnómen du yóm tódô kbayaen kul elem hólól yó kem hohon le, yó kem tau angat gemlà kul ne gembà yó kem benwu gónó le nô.

Mark 3:25

Senged se ke wen sotu gmónô, ke là ssotu nawa le ne ke sónmò le sfatay, kaem angat le meglà.

Taytus 3:3

Tehe yu ekni, tehe wen se kut gel ungel, là kô te gel himón, là se dilô te du yóm ktahuhen. Tey kegfét te bè yóm sidek knóyô lówó te, ne bè yóm dê kenbeyen nawa te. Deng te gu lemen se kut yóm sdù ne yóm sélés nawa ne yóm sutó nawa.

1 Jan 2:11

Okóm ke gel knutóhen nawa kem dumuhen, tolo nô lem gónón kmifu he. Yóm tau ke mógów lem kifu, laen bang tngónen lan loloen, abay se kifu mit du là mton.

1 Jan 3:10

Ni se hol gónó le stólóng yó kem ngà Dwata bè yó kem ngà Seitan: Yóm tau ke là nmoen du yóm tedeng ne ke là kenbong nawahen kem dumuhen, sundu ngà Dwata du yóm tau yó.

1 Jan 3:12

Bê ye dnalang yóm tehe nmò Kain yóm kun tau Seitan, bnonoken twolihen Abél. Moen de ke bnonoken? Abay se là tedengen yóm gel nmoen, fen tedeng kun nmò yóm twolihen.

1 Jan 4:20

Ke yó mon yóm sotu tau, ke monen, “Bong nawahu ke Dwata dou,” okóm ke tolo knutó nawahen yóm dumuhen hemtahu, odoyen yóm monen yó. Ke là bong nawahen du yóm dumuhen hemtahu yóm hol hyu ton matahen, sélét mom tô kenbongen nawa Dwata ne, yóm là ton matahen du.

1 Samwél 17:28

Okóm gungol Ilyab yóm twogu Dabid, yóm kestulón Dabid bè yó kem tau yó ya tey sidek kebuten du, yó monen mò du, “Moen du ke nói bè ni? Tau du se hbenteyem yó kem ubiha là wen ditu bè yóm benwu laen hol wen tauhen? Tngónu se yóm tey kehegmónem ne yóm sidek gel nô lem hendemem. Yó nógówem olom temngel sfatay.”