Tekang Kbuten 37:36 - Udél Dwata: Gna Kesfasad ne Lomi Kesfasad

³⁶ Ne ditu bè Idyip, lemwót yó kem tau mit udél swa yó koni, bud hbalù le Jusif bè Putifar yóm sotu tau genlal yóm Faro bè Idyip. Yó glalen, du kfitan bè yó kem tau gel mentey bè gónô bong yóm Faro.

Tekang Kbuten 37:36 Iomraidhean Croise

Tekang Kbuten 37:28

Ne timbow le kól bè yó, yó kem tau gel mit udél swa yó koni, lemwót yó kem twogu Jusif senkteng le Jusif gu lem yóm kokol nelem ne hbalù le bè yó kem tau mit udél swa bè lewu folò botù blówón bukay. Lemwót se kul yó kem tau mit udél swa yó, hlós nit le Jusif ebè Idyip.

Tekang Kbuten 40:3

Tódô heblangguen lu bè yóm sotu gónô blanggù bè gónô yóm kfitan gel mentey du, bè yóm gónón blanggù Jusif.

Tekang Kbuten 40:4

Tey kegen le nô bè yóm gónô blanggù yó. Yó nmò yóm kfitan, nmoen Jusif mò tóbóng lówó le.

Tekang Kbuten 41:12

Bè yó lem gónô blanggù, wen logi Hibru lomi lemnok dumu me geblanggù. Du se hesek yóm kfitan bè yó kem tau gel mentey kóm. Tulón me du yóm kna me, gotu tulónen kum se yó kem lanen.

2 Bok Kem Tau Hol Geta 25:8

Tikóng deng sfolò syóm halay kegen Nibukadnisar kmamal bè Babilun, bè yóm ghituhen kdaw bè yóm ghituhen bulón, gdek bè Jirusalim Nibusaradan yóm kmandér bè yó kem sendalù gel mentey ke Nibukadnisar yóm sotu genlalen.

Istér 1:10

Bè yóm ghituhen kdaw kmoen ken bong Sérksis, ya tey kligalen lemwót bè yóm deng kinumen. Ominen htaba yóm hitu kem logi kafun hol tóbóng lówóhen. Yó boluy le, Mihuman ne Bista ne Harbuna ne Bigta ne Abagta ne Sitar ne Karkas.

Kem Lingón 105:17

Okóm eles wen tau hógów Dwata tukô gna kul ebè Idyip, duhen Jusif yóm tehe hbalù le mò hesek.

Jirimaya 39:9

Lemwót Nibusaradan yóm kmandér bè yó kem sendalù, gotu negefen lu ebè Babilun yó kem tau dù tebel lem yóm syudad yó, gomong yó kem tau deng gfi béléen.

Danyél 2:14

Tikóng sut bè le Danyél Ariyuk, yóm kmandér bè yó kem sendalù gel mentey yóm tau hol geta yóm tô hmatay kul, mudél ebéléen Danyél mung du yóm tey khulungen hedem ne khulungen madat.