Tekang Kbuten 37:34 - Udél Dwata: Gna Kesfasad ne Lomi Kesfasad

³⁴ Tódô kensê Jakub yóm nes bè lówóhen bè klangagen ne tles leseken nes sakù. Ne tey kegenen tendo lemangag du yóm ngaen yó.

Tekang Kbuten 37:34 Iomraidhean Croise

Tekang Kbuten 37:29

Timbow tô bud nauy Rubén yóm kokol ngelem tehe gónó le mbot ke Jusif, là kô bud tonen du bè yó. Tódô kenséen yóm nes bè lówóhen botong ksidek kegnómen du.

Tekang Kbuten 42:38

Okóm yó mon Jakub, monen, “Là kô naw e bayà hmung du kuy Bindyamin. Deng matay yóm twoguhen ne tek sónen du dù tebel. Mò kmoen ke wen tódô du bè lan? Tódô hatayu klangagu bè nim tey ktuhahu ni.”

Tekang Kbuten 44:13

Yó kem tau setwoli yó, tódô gotu geksê le nes le, botong ksidek kegnóm le du. Tódô gotu bud lulón le ta kudà asnu le yó kem nit le ne bud le mulék etu bè syudad.

2 Samwél 1:11

Tódô kensê Dabid nesen, botong ksidek kegnómen du, dalang se yóm kdê tau mung du, gotu kensê le se yóm kul nes.

1 Bok Kem Tau Hol Geta 21:27

Timbow gungol Ahab yóm tulón ni tódô kenséen nesen, ne tles leseken nes sakù ne fasting. Tódô tungô lem yóm nes sakù leseken ne tendo lindan mógów lemwót bè yóm alì klangagen.

2 Bok Kem Tau Hol Geta 19:1

Timbow gungol Hisikaya yóm tulón le yó, tódô kenséen nesen botong ksidek kegnómen du, ne lemsek nes sakù ne mógów ebè Gónô Dwata, mni bè Dwata bè yó.

2 Bok Kem Tau Hol Geta 2:12

Bè yóm kton Ilaysa du yóm deng kbatun Ilaydya yó, botong lemangat, monen, “Ó Mà, ó Mà, tonu yó kem klitun tók yó kem tau Israél ne yó kem tau mit kudà demyol kul.” Okóm timbow lana lem matahen Ilaydya, botong kenséen bè gónón sóól yóm nes lafin ta gel leseken, botong ksidek kegnómen du.

2 Bok Kem Tau Hol Geta 22:11

Timbow gungol yóm tau hol geta yóm udél nô lem yóm Bok Hlau yó, tódô gekséen nesen, botong ksidek kegnómen du.

1 Tutul Israél 21:16

Temngel eta Dabid, ne tonen yóm hógów Dwata gu bè longit tódô mdà bè gónón sóól tonok ne longit. Wen sudeng ayayen eta Jirusalim. Yó nmò Dabid ne yó kem dumu tau gel malak yó kem tau Israél, lemsek le nes sakù mò gónó le hegfan yóm deng kebà nawa le, omin le lemfen bè tonok.

Nihimaya 9:1

Bè yóm gewuhen folò fat kdaw bè yóm bulón yó, gotu le bud stifun yó kem tau Israél. Bè yóm kestifun le ni là mken le, gotu le lemsek nes sakù ne hensù le kfung ta kulu le mò gónó le hegfan yóm tey kegbeng lem le.

Job 1:20

Omin Job hebkó mdà, gotu kenséen yóm nes bè lówóhen lemwót bè yóm tey klangagen. Ominen gotu tembulud weken ne tódô lemfen bè tonok bè solu Dwata.

Job 2:12

Bè yóm hanà le tolo mayuk ton le Job, bede là hol dilô le du. Tikóng le kól béléen tey kkik le du, gotu kensê le nes le lemwót bè klangag le. Gotu hensù le kfung te kulu le.

Kem Lingón 69:11

Bè yóm keseku yóm nes gel lesek yó kem tau langag, deng mom bud knuli le ou.

Isaya 32:11

Efet ni, tey mahil klowil ye ne laen dù tnafa nawa ye. Okóm angat sut bélê ye yóm ksidek klikò ye botong ye kenkel. Kó ye yó kem nes tilob lesek ye, tódô ye lemsek nes sakù.

Isaya 36:22

Omin le lemwót le Ilyakim ne Sibna ne Juwa, gotu kensê le yóm nes bè lówó le lemwót bè yóm alì ksidek kegnóm le du. Tódô le mógów ebè Hisikaya ne gotu tulón le du yóm deng monen mò kul yóm tau genlal lemwót bè Asirya yó koni.

Jirimaya 36:24

Okóm yóm tau hol geta ne yó kem genlalen, balù udì ke gfan bélê le ke wen klikò le duhen ke kegsel le bè yóm deng gungol le.

Juwél 2:13

Hol hton ye yóm klangag ye, bede béen mlan bè keksê ye nes ye. Yake bè kebà nawa ye gónó ye hton du.” Bud ye semfulék ebè yóm sana kuy Dwata hol gónó mogot abay se wen nawahen tmóbóng kuy ne tey hulung kmodu. Là kóen mahil lembut ne tey bong nawahen tau. Móyô hmifót, abay se là nóen bè nawahen ke tô tnafaken tekuy.

Matyu 11:21

Yó monen mò kul, “Angat tey tafak ye, yu kem tau bè Kurasin. Ne tey tafak ye se kuy, yu kem tau bè Bitsayda. Ke deng tehe ton yó kem tau là Ju le bè Tayal ne bè Sidon ni kem hentaw ton deng nmou lem blóng ye ni, ngem kà tódô le lemsek nes sakù, ne bnulus le kohù lówó le mò ilô yóm deng kehegsel le, ne yóm deng kkogol le yó kem sidek tehe gel nmò le.

Matyu 26:65

Mung kungolen du nim udél Jisas ni yóm tau geta bè yó kem gel demsù ebè Dwata, botong tódô kenséen nesen, monen, “Tô hsengeden knóen bè Dwata. Omin he ke bud wen tifù du. Deng tódô gungol tekuy yóm kehsengeden knóen bè Dwata.

Kul Nmò 14:14

Timbow gungol Barnabas ne Pol yóm tô nmò le yó, botong geksê le nes le. Tódô le mlóy etu bè yóm gónó le deng stifun yó kem tau,

Juswa 7:6

Timbow tngón Juswa nim gfà le ni, ya tey sidek kegnómen du dalang se yó kem tau gel malak yó kem tau Israél, botong geksê le nes bè lówó le. Tódô le hegluduk bè tonok bè solu yóm Slungan Fasad. Tódô le lemfen bè yó efet seklewet ne wen kfung sù le ta kulu le mò gónó le hegfan du yóm tey ksidek kegnóm le du.

Deng Hegfan 11:3

Angat wen lewu tau hógówu mò tugodu ebè yó bè yóm tlu halay bud sóól, bede mnes le sakù.”