Tekang Kbuten 37:28 - Udél Dwata: Gna Kesfasad ne Lomi Kesfasad

²⁸ Ne timbow le kól bè yó, yó kem tau gel mit udél swa yó koni, lemwót yó kem twogu Jusif senkteng le Jusif gu lem yóm kokol nelem ne hbalù le bè yó kem tau mit udél swa bè lewu folò botù blówón bukay. Lemwót se kul yó kem tau mit udél swa yó, hlós nit le Jusif ebè Idyip.

Tekang Kbuten 37:28 Iomraidhean Croise

Tekang Kbuten 25:2

Wen ngà le, yó boluy le, Simran ne Juksan ne Midan ne Midyan ne Isbok ne Suwa.

Tekang Kbuten 37:25

Bè yóm igò le tolo mken tódô ton le yó kem tau stodol mógów gu ditu, hono kem tau mit udél swa semfu gu bè Ismaél. Bè yóm kógów le yó, lemwót le gu bè Gilyad mógów le ebè Idyip. Sket lenulón le yó kem kamél yóm kdê kay som gel hbalù le ne yó kem litok koyu gel nmò bulung ne nmò yó kem hboo alì tilob boohen.

Tekang Kbuten 37:36

Ne ditu bè Idyip, lemwót yó kem tau mit udél swa yó koni, bud hbalù le Jusif bè Putifar yóm sotu tau genlal yóm Faro bè Idyip. Yó glalen, du kfitan bè yó kem tau gel mentey bè gónô bong yóm Faro.

Tekang Kbuten 39:1

Bè yóm deng kwit le ke Jusif ebè Idyip yó kem tau Ismaél, bud hbalù le se kul bè yóm sotu tau boluyen Putifar yóm tau genlal yóm Faro bè yó. Yó glalen du, du kfitan bè yó kem tau gel mentey bè yóm gónô bongen.

Tekang Kbuten 40:15

Bè ktahuhen, tódô hnugus kenfô le ou bè kum benwu yó kem tau Hibru ne balù bè ni bè Idyip, tódô knukub le ou hkawang.”

Tekang Kbuten 50:15

Kogol yóm deng katay Jakub stulón le sónen lu yó kem twogu Jusif, mon le, “Kyò kut kô na a tolo knutó nawahen tekuy Jusif, bud bnelesen yóm sidek tehe nmò tekuy béléen.”

Kem Lingón 105:17

Okóm eles wen tau hógów Dwata tukô gna kul ebè Idyip, duhen Jusif yóm tehe hbalù le mò hesek.

Kem Lingón 83:9

Hol nmoem bélê le yóm tehe deng nmoem bè yó kem tau Midyan, ne hol lómón yóm deng tehe nmoem bè Sisira ne bè Jabin ditu bè Él Kisun.

Isaya 60:6

Angat tonem yó kem genged kamél lemulón stodol gu bè benwu Midyan ne Ifa. Wen se lemwót gu bè Siba, mit le tahu blówón ne insinsu. Angat wen hyu tulón nit le, duhen yóm deng nmò Dwata bélê le.

Jirimaya 38:13

Omin le yó semketeng ke Jirimaya eta. Bud hulék le ebè yóm gónó blanggù bè lósól yóm gónô bong yóm tau hol geta bélê le bè yóm gónóhen nô yóm tau gel mentey bè yó ne bè yó gónó Jirimaya hlós nô.

Lista 25:15

Yó kun boluy yóm libun Midyan yó, duhen Kusbi ngà Sur. Nim Sur, du se sotu tau gel malak bè yóm sotu ktol kem tau Midyan.

Lista 25:17

“Nundug ye lu ne yó kem tau Midyan, gotu genlà ye lu.

Matyu 26:15

Yó snólóken bélê le, monen, “Hilu de blay ye do ke ou fen malak kuy ebè Jisas?” Deng mom yó nmò le, tódô nsó le béléen tlu folò botù yóm kul filak mgel.

Matyu 27:9

Yóm nmò le yó deng gónóhen dohò yóm tehe mon yóm sotu tehe gna tugod Dwata boluyen Jirimaya, “Nwa le yóm tlu folò filak mgel yó, yó se kul btes du yó kem tau Israél.

Kul Nmò 7:9

Okóm,” mon Stéfén, “yó kem tau setwoli yó, deng mom mélés nawa le yóm twoli bélê le boluyen Jusif, tódô glef le hembalù du mò hesek ditu bè Idyip. Okóm tendo eles mung du Dwata,

Kmukum 8:22

Kogolen bè yó, yó mon le mò ke Gidyun yó kem tau Israél, “Deng lenwaem mi bè yó kem tau Midyan, yake uu ne mò mogot kum ne yó mò tlesem hulin kdaw yó kem semfu gu béléem.”

Kmukum 8:24

Okóm yó bud monen mò kul, “Ni wen hnihu bélê ye yóm ket kuy na sotu. Benlay ye o ket kuy na sotu yóm tdé deng negef ye bè yó kem tau Midyan.” (Abay se yó kem tau Midyan sket le temdé tahu blówón, skél le bè yó kem dumu tau menwu bè yóm benwu laen hol wen tauhen.)