Tekang Kbuten 37:25 - Udél Dwata: Gna Kesfasad ne Lomi Kesfasad

²⁵ Bè yóm igò le tolo mken tódô ton le yó kem tau stodol mógów gu ditu, hono kem tau mit udél swa semfu gu bè Ismaél. Bè yóm kógów le yó, lemwót le gu bè Gilyad mógów le ebè Idyip. Sket lenulón le yó kem kamél yóm kdê kay som gel hbalù le ne yó kem litok koyu gel nmò bulung ne nmò yó kem hboo alì tilob boohen.

Tekang Kbuten 37:25 Iomraidhean Croise

Tekang Kbuten 31:21

Gotu sentifunen yóm kdê kimuhen ne tódô hetlasik lemwót, nifalen él Yufratis ne tódô hlós ebè yó kem bulul bè benwu Gilyad.

Tekang Kbuten 31:23

Lemwót Laban, gotu niten yó kem tauhen na le e ktes Jakub. Botong hitu kdaw le kemtes du efet ton le lu kmamfù bè yó kem ngà bulul bè benwu Gilyad.

Tekang Kbuten 37:24

Omin le mit du ebè yóm sotu kokol nelem deng kti ne bot le elemen.

Tekang Kbuten 37:28

Ne timbow le kól bè yó, yó kem tau gel mit udél swa yó koni, lemwót yó kem twogu Jusif senkteng le Jusif gu lem yóm kokol nelem ne hbalù le bè yó kem tau mit udél swa bè lewu folò botù blówón bukay. Lemwót se kul yó kem tau mit udél swa yó, hlós nit le Jusif ebè Idyip.

Tekang Kbuten 37:36

Ne ditu bè Idyip, lemwót yó kem tau mit udél swa yó koni, bud hbalù le Jusif bè Putifar yóm sotu tau genlal yóm Faro bè Idyip. Yó glalen, du kfitan bè yó kem tau gel mentey bè gónô bong yóm Faro.

Tekang Kbuten 39:1

Bè yóm deng kwit le ke Jusif ebè Idyip yó kem tau Ismaél, bud hbalù le se kul bè yóm sotu tau boluyen Putifar yóm tau genlal yóm Faro bè yó. Yó glalen du, du kfitan bè yó kem tau gel mentey bè yóm gónô bongen.

Tekang Kbuten 43:11

Ne mon mà le se mò kul, “Ke lómón se yó kmoen, lemwót ye sen. Bede mit ye yó kem hyu bélê tekuy bè ni mò basa ye tum gubérnor tu. Mit ye béléen yóm litok koyu alì tilob boohen ne wen tneben ne wen yó kem dê kay som ne wen kem bungu koyu ken lemen lemwót bè yó kem koyu pistasyu ne koyu almun.

Istér 3:15

Lemwót bè udél yóm tau hol geta, gotu heglalag le yóm udin yó bè yó bè Susa. Ne bud nwit yó kem tau gel mit sulat alì hlóng ebè yó kem prubinsya. Okóm ke Sérksis kun lewu le Haman deng le mom seyón minum. Blaem yó kem tau bè yó bè syudad Susa ya tey sidek kesbeweg le.

Kem Lingón 14:4

Ofo kul mon du ke là gel ton Dwata du yóm sidek gel nmò le. Yó udél Dwata, monen, “Laen kô dù bélê le ke hulung hedem. Tódô le mowil lan le lemugi yó kem dou tau. Hol mou kun ne ke tô le gel mni ebéléu yó kem tau gel mò sidek yó.”

Kem Lingón 83:6

Lu se yó kem tau Idom, ne kem sfu Ismaél, ne kem tau Muab, ne kem tau Hagrayt,

Kem Udél Hlalak Tehe Selumun 30:20

Ni se kun kmò yóm libun mdà yehen: sok deng kkenen olon mifu sumóngen ominen mon du, ‘Laen kô deng nmou sidek.’

Jirimaya 22:6

Yó udél Dwata gbak ebè yóm gónô bong yóm tau hol geta bè Juda, monen, “Yóm ktilobem, hol lómón ktilob yóm tonok Gilyad ne lómón ktilob yó kem dlag bè yó kem bulul Libanun. Okóm angat genlau uu ne laen kô dù bud tauhem.

Jirimaya 8:22

Laen dù bud bulung kô ditu bè benwu Gilyad? Laen dù bud tau mulung bè yó kô? Moen se ke laen dù hkó du yó kem halì yó kem tauhu?”

Amus 6:4

Hatay ye se kuy, yu kem tau hegléd bè yóm gónón myón alì mebtes, tódô slibut hono kem kimu heklóón gu hilolen, kem tau tendo gel mutón ngà ubiha ne ngà safì.

Amus 6:6

Minum ye tifas grép lem tukung ne lunol ye bè lówó ye yóm hboo alì minggel boohen, okóm là kô dog knangag ye du yóm móyón keglà yó kem tau Israél.