Tekang Kbuten 37:24 - Udél Dwata: Gna Kesfasad ne Lomi Kesfasad

²⁴ Omin le mit du ebè yóm sotu kokol nelem deng kti ne bot le elemen.

Tekang Kbuten 37:24 Iomraidhean Croise

Tekang Kbuten 37:23

Timbow deng gefet bè kem twoguhen Jusif, tódô ktos le bè lówóhen yóm nes tahà tilob leseken.

Tekang Kbuten 37:25

Bè yóm igò le tolo mken tódô ton le yó kem tau stodol mógów gu ditu, hono kem tau mit udél swa semfu gu bè Ismaél. Bè yóm kógów le yó, lemwót le gu bè Gilyad mógów le ebè Idyip. Sket lenulón le yó kem kamél yóm kdê kay som gel hbalù le ne yó kem litok koyu gel nmò bulung ne nmò yó kem hboo alì tilob boohen.

Tekang Kbuten 42:21

Ne yó nmò le, stulón le, mon le, “Ni se deng kton kuy du ulék yóm tehe nmò kuy bè yóm twoli tekuy. Igò tekuy se mton du yóm tey ksidek kegnómen du ne yóm tey kehkoduhen bélê tekuy anì wen tmóbóng du, okóm là dog kenmón tekuy du. Ni se gónó kuy gemfà du nim ni.”

Kem Lingón 35:7

Igoen laen dù sidek nmou bélê le, ewenem sana tô kholot le dou. Laen dù sidek nmou bélê le, ewenem sana kokol le sol mò gónóhu btang.

Kem Lingón 40:2

Ktengen ou lem yóm tey sidek gónóhu gebeng, lómón ke denge geblos elem yóm helek lebu. Yó nmoen béléu, lómón ke nkayen ou eta yóm tey botu bong, ominen yó he mgel kegnómu du.

Kem Lingón 88:6

Lómón ke deng lenesem ou etu lem sol lebeng alì nelem, lem tum sol nelem alì kmifu.

Kem Lingón 88:8

Deng mom hlayukem béléu yó kem weu. Denge tey sidek bélê le. Denge gholot, laen dù lanu gewà.

Jirimaya 38:6

Tahu se, nwa le Jirimaya ne omin le mfét du, hloyol le elem yóm sol tehe hokol Malkiya mò gónó le hemyu él. Nim Malkiya ni sotu ngà yóm tau hol geta bélê le. Yóm sol yó, nô talak lósól gónô bong yóm tau hol geta bélê le bè yóm gónóhen nô yóm tau gel mentey bè yó. Laen dù élen tódô hono hitok, botong gebeng lemen Jirimaya.

Sikaraya 9:11

Lemwót bè yóm deng tehe fasadu kuy bè yóm tehe kesfasad tekuy ne lemwót bè yóm litô yóm dsù ye fen hemget du, angat gotu hewau yó kem tau bélê ye deng negef le, lómón kmoen bélê le lómón ke nô le lem tum sol laen dù élen.