Tekang Kbuten 37:20 - Udél Dwata: Gna Kesfasad ne Lomi Kesfasad

²⁰ Yó ne hnatay tekuy, omin kuy mbot du elem tum sotu kokol nelem deng kti. Omin tekuy mon du deng nsék ógóf lóbô lem bnes. Hnénég te kun ke tahu yóm gel knahen.”

Tekang Kbuten 37:20 Iomraidhean Croise

Tekang Kbuten 37:19

Yó mon le, “Deng myó yóm tau gel kemna.

Tekang Kbuten 37:26

Omin Juda mudél ebè yó kem dumuhen, monen, “Laen dù ofol te lemifut hmatay du yóm kut dumu setwoli.

Tekang Kbuten 37:32

Ne nwit le mulék ebè mà le ne mon le mò du, “Ó Mà, lómón tô nes ngaem Jusif nim ton me nii.”

Tekang Kbuten 37:33

Ne tódô dilô tuha logi se kun, monen, “Tahu se, kun nes nim ni. Deng wen ógóf lem bnes msék du. Deng tahu wen ógóf msék du yóm ngau Jusif.”

Tekang Kbuten 45:3

Omin Jusif mudél ebè yó kem dumuhen setwoli, monen, “Ou se Jusif. Tolo mowil he kô mà?” Okóm bè yóm kungol le du yó kem twoguhen yóm monen yó ya tey sidek klikò le, là kô gbalà le du yóm snólóken yó.

1 Bok Kem Tau Hol Geta 13:24

ne bud lemwót yóm tau Dwata yó. Okóm bè yóm igoen mógów tódô sut yóm liyun nan e bnunù hnatay. Tódô masà bè yó bè lan yóm lówóhen, ne mdà klohoken yóm kudà asnu ne yóm liyun hmatay du.

2 Bok Kem Tau Hol Geta 2:24

Omin Ilaysa beklil ne tonen lu, ne henmulaen lu hlanen bè boluy Dwata. Ominen wen lewu bér libun hewà gu lem dlag, ne botong fat folò lewu bè yó kem ngà logi yó koni nséken.

Kem Lingón 64:5

Sónmò le tendo sbót mò sidek ne matul hmolot. Yó mon le, “Laen kô dù tau mton kum.”

Kem Udél Hlalak Tehe Selumun 1:10

Ó Man, béem nmung ke tô n-goy le uu yó kem tau gemsalà.

Kem Udél Hlalak Tehe Selumun 1:16

Yakà són mò le módód mò sidek ne eles le htigel bè khatay le tau.

Kem Udél Hlalak Tehe Selumun 10:18

Mò kéng yóm tau hnalaen yóm kutó nawahen ke dumun. Ne yóm tau hensideken boluy kem dumun, book.

Kem Udél Hlalak Tehe Selumun 27:4

Yóm kebut tau tey sidek ne tey te glayam du okóm udì he nim ni ke hsenged te bè yóm keglayam te du yóm klenget tau.

Kem Udél Hlalak Tehe Selumun 28:13

Yóm tau limengen salaen laen kô tul kehyu klowilen, okóm yóm tau tódô benkasen bè Dwata yóm salaen ne knogolen, tódô hnifót Dwata.

Kem Udél Hlalak Tehe Selumun 6:17

Tanayen kehegmón. Glewuhen tmulón kéng ne getluhen yóm monok là duón.

Isaya 28:15

Tey kehegmón ye du yóm deng keskotuk ye bè yóm hatay kun, anì là matay ye. Deng ye se skotuk yóm benwu yó kem tau deng matay kun, anì là gógów ye edu. Ofo kuy ke laen dù gmoen bélê ye yó kem tau mundug kuy. Són snalig ye yóm kéng ne sukat mò tô gónó ye gewà. Okóm là.

Kun Snulat Jan 3:12

Ke là hentahu ye du yóm tulónu kuy yóm mò kmoen bè ni te tonok, sélét mom tô hentahu ye ne ke wen tulónu kuy yóm mò kmoen ditu bè longit?

Taytus 3:3

Tehe yu ekni, tehe wen se kut gel ungel, là kô te gel himón, là se dilô te du yóm ktahuhen. Tey kegfét te bè yóm sidek knóyô lówó te, ne bè yóm dê kenbeyen nawa te. Deng te gu lemen se kut yóm sdù ne yóm sélés nawa ne yóm sutó nawa.

1 Samwél 24:20

Ne ni, deng gtukulu ne uu se angat tau hol geta bè Israél ne angat tey mbegel yóm benwu Israél bè yóm kogotem du.

1 Samwél 26:2

Duhen yó, kewót Sol bè yó mógów ebè yóm benwu laen hol wen tauhen bè Sif na le e hnebel Dabid ne wen tlu libu sendalù alì mgélék bè Israél nwiten.