Tekang Kbuten 37:10 - Udél Dwata: Gna Kesfasad ne Lomi Kesfasad

¹⁰ Ne ominen bud tmulón du ke maen yóm knahen yó ne mom nudél maen, monen, “Kna du de yóm knahem yó? Mone gotu me hegdufok ebéléem ne kô, ou ne yéem ne yó kem dumuhem setwoli?”

Tekang Kbuten 37:10 Iomraidhean Croise

Tekang Kbuten 27:29

Yó kem dumu but tau, baling le tóbóng lówóhem ne mtud le bukol bè soluhem. Uu gónó le kmulu yó kem dumuhem setwoli ne mtud le bukol bè soluhem yó kem dumu ngà yéem logi. Yó kem tau hemmulà kóm angat tnafak Dwata lu. Ne yó kem tau tmóbóng kóm bud tnóbóng Dwata lu.”

Tekang Kbuten 37:7

Knahu gotu benkes tekuy yó kem halay deng kut gnalab bè uma kun. Okóm yóm dou halay benkes, tódô mdà ne fen kudung gu hilolen yó kem kuy halay benkes.”

Tekang Kbuten 37:9

Sotu kifu bè yó, bud kemna Jusif ne bud tulónen yó kem twoguhen, monen, “Wen bud knahu. Tonu kdaw ne bulón ne sfolò sotu blotik, gotu le kóem hegdufok ebéléu.”

Tekang Kbuten 43:26

Timbow kól Jusif, omin le ma yó kem mò basa le du ne nit le ebéléen lem gónóen, gotu le hegdufok ebè tonok bè soluhen.

Tekang Kbuten 43:28

Bnalà le se, mon le, “Gò se, tolo mowil he ne hyu klówóhen.” Omin le yó bud hegdufok ebè tonok bè soluhen, mò lan le madat du.

Tekang Kbuten 44:14

Timbow le gefet bè gónô Jusif le Juda ne yó kem dumun setwoli, tolo nô bè yó Jusif. Gotu le hegluduk bè soluhen.

Isaya 60:14

Yó kem ngà logi yó kem tau tehe hemgnok kóm, angat le mógów ebéléem na le e heglaan béléem, yó se mò lan le hol hegfan du yóm kadat le kóm. Kdê yó kem tau tehe kemhisik kóm, angat tey keheglaan le béléem. Yó angat boluy le kóm, ‘Syudad Dwata.’ Sotu bud kboluy le kóm, ‘Sayun, syudad yóm kul Dwata yó kem tau Israél yóm Dwata laen dù belenen.’