Tekang Kbuten 36:8 - Udél Dwata: Gna Kesfasad ne Lomi Kesfasad

⁸ Duhen yó, ditu gónó Iso nô bè yó kem bulul lemnek bè Sér. (Yóm Iso, du se Idom.)

Tekang Kbuten 36:8 Iomraidhean Croise

Tekang Kbuten 14:6

ne bè yó kem tau Hurayt bè bulul Idom. Tódô ktes le yó kem tau Hurayt efet kól bè Ilparan, yóm benwu nô bè kilil yóm benwu laen hol wen tauhen.

Tekang Kbuten 25:30

Yó monen mò ke Jakub, “Tey deng sidek kbitilu ni, henkenem ou dé yóm hulô tnógóhem yóó.” (Yó se but gónó le miba ke Iso Idom, hulô.)

Tekang Kbuten 32:3

Wen kem tau hógów Jakub tukô gna ebè yóm twoguhen Iso nô bè benwu Idom.

Tekang Kbuten 32:4

Yó hlauhen kul, monen, “Ni hol tulón ye yóm gónóhu mogot Iso, mon ye, ‘Yó gónón là géhél gulék Jakub yóm tau tóbóng lówóhem abay se tódô nô bè mà dì ye Laban. Ne ni se yóm bang kuléken.

Tekang Kbuten 36:1

Ni se tutul yó kem sfu Iso (yóm bnoluy le kem tau Idom).

Tekang Kbuten 36:43

ne Magdiyél ne Iram. Yó se boluy yó kem tbong Iso yóm gónó le gu semfu yó kem tau Idom. Ket tonok gónó le nô bè yó lem Idom, sal ulit le bè boluy yó kem gónó le gu tembong.

Tekang Kbuten 36:9

Ni se boluy yó kem ból Iso, yóm tau gónó le gu semfu yó kem tau Idom menwu bè yó kem bulul lemnek bè Sér.

2 Tutul Israél 20:10

Ne ni, hnénégem dé yóm nmò yó kem tau Amun, ne tau Muab, ne kem tau lemwót bè bulul Sér. Bè yóm tehe kehewà le gu bè Idyip yó kem tehe fù me ekni, là kô hundugem du kul yó kem benwu ni kem tau ni. Tódô nius le, là kô genlà le kul.

2 Tutul Israél 20:23

Yó kem sendalù Muab ne kem sendalù Amun, deng mom beklil nit le sfatay yó kem kul dumu slomong lemwót bè bulul Sér, ne gotu hnatay le lu yóm kdê le. Tikóng deng gotu khatay le kul, omin le sfatay honon lu yó kem sendalù Amun ne sendalù Muab.

Jirimaya 40:11

Wen kem tau tehe nô bè Juda deng mlóy ebè Muab ne ebè Amun ne ebè Idom ne ebè yó kem dumu benwu hmilol. Timbow gungol le yóm deng kehyónen ke Gidalaya yóm tau hol geta bè Babilun mò gubérnor bè yó kem tau dù tebel bè Juda,

Ubadaya 1:1

Ni se htonen ke Ubadaya, yóm Dwata hol dandónen geta, gbak ebè benwu Idom. Deng gungol tekuy yóm tulón lemwót bè Dwata, duhen yóm kwen tau hógówen mò eles tmulón du bè yó kem tólóng benwu yóm udélen, monen, “Yóm kdéen tau eles ye htigel. Sentifun tekuy kem sendalù tekuy na tekuy e nundug yóm benwu Idom.”

Ubadaya 1:3

Tey keheklabakem abay se hono botu mgemel yóm gónóhem nô, tódô ye nô ta yó kem bulul geta. Yó udél ye, ‘Tau du de tô gmuta tekuy bè ni?’ Bê. Hol bê ye abay tnondo knô ye.

Malakay 1:3

Fen là ke Iso ne yó kem lugoden, laen dù nawahu ebélê le. Ne yóm kul bulul gónó nô boluyen Idom deng tódô sulék genbau, henbalingu benwu là hyu menwu du mò gónó le nô yó kem ohu lem bnes,” yó se udél Dwata.

Juswa 24:4

ne mngà ke Isak duhen Jakub ne Iso. Yó tonok blayu ke Iso, duhen yó kem bulul lemnek bè Idom mò kun nfun. Okóm yóm kuy fù Jakub ne yó kem ngaen, fen le mógów ebè Idyip.

1 Samwél 14:47

Bè yóm kogot Sol bè Israél, yó nmoen mit sgida bè yó kem benwu hohon le hmilol kul, duhen yó kem tau Muab ne yó kem tau Amun ne yó kem tau Idom ne bè yó kem tau hol geta bè Suba ne bè yó kem tau Flistin. Ne sal gel gemmò bélê le.