Tekang Kbuten 36:7 - Udél Dwata: Gna Kesfasad ne Lomi Kesfasad

⁷ Là hyu kesetnù le, yakà teyen wen yó kem ógóf nfun le ne là kóyówen bélê le yóm tonok bè yó.

Tekang Kbuten 36:7 Iomraidhean Croise

Tekang Kbuten 13:11

Ne yó nélék Lat kun yóm klamang datal hmilol él Jurdan, ne tódô mili fi dmata kdaw bè yóm benwu Kanan yó. Yó se yóm tehe kmò keslayuk le Abram ne Lat.

Tekang Kbuten 13:6

Yó gónóm mon, laen hol gónó le hótób ógóf le ke hlós keslomong le yóm lewu le, abay se tódô sket kul genged ógóf le.

Tekang Kbuten 17:8

Nim tonok hanà tolo gónóm milo ni, blayu kóm ne bè yó kem sfuhem. Nim klamangen benwu Kanan ni, yó kem sfuhem funen ne laen kô dù sónen yóm kfun le du. Ne bud ou se hol kul Dwata.”

Tekang Kbuten 28:4

Dwata he hol tmóbóng kóm kkólen bè yó kem angat lugodem, lómón yóm tehe któbóngen ke téméem Abraham. Yóm benwu Kanan gónóm lemnok ni, uu he angat gemwa du, yakà tehe blay Dwata du ke téméem Abraham ekni.”

1 Tutul Israél 29:15

Yóm knô me bè ni, tek likóten lómón ke tau me milo ne tau me lawa, mkél me bè yó kem tehe fù me ekni. Yóm klowil me dini talak tonok, lómón olung là kóen legen.

Kem Lingón 39:12

Hol hnungolem dou yóm hnihu, Dwata. Hol hnungolem dou yóm kehtóbóngu béléem. Béem tódô tenngel yó kem lewoku. Yakà tauhe lawa béléem, ne tauhe milo là legen, lómón yó kem tehe fuu ekni.

Jirimaya 35:7

Ne bê ye se abay hdà gónô. Bê ye abay mò hulu ne mulu grép. Són bè kamfù gónó ye nô se kuy. Ke lolò ye nim hlolou kuy ni, angat tahà ktau ye ta nim tonok ni lelen hyu klowil ye.’

Hibru 11:9

Bè yóm deng kkól le bè yó, lemwót bè yóm kehtahuhen bè Dwata, hol lómón ke olon tau milo bè yóm benwu deng fasad Dwata du yó. Là mdengen kbenwu le. Tódô gel nwit le mógów yóm gónó le nô, senged se ke tehe Isak, yóm ngaen, ne yóm tehe téméen Jakub. Deng le gotu gomong snéen kul bè yóm benwu fasad Dwata ke Abraham.