Tekang Kbuten 36:31 - Udél Dwata: Gna Kesfasad ne Lomi Kesfasad

³¹ Lu se yó kem tau hol geta mogot bè Idom yóm gu laanen là deng wen kem tau hol geta mogot bè Israél.

Tekang Kbuten 36:31 Iomraidhean Croise

Tekang Kbuten 17:16

Angat tey któbóngu du ne mlan béléen yóm ngà logi blayu kóm. Angat tey któbóngu du ne du yê yó kem tey dê kay but tau talak tonok. Ne wen se bè yó kem bólen baling tau hol geta.”

Tekang Kbuten 17:6

Angat tey kehbólu kóm ne wen bè yó kem bólem yó baling tau hol geta. Ne tey kbólem efet tey dê kay but tau semfu gu béléem.

Tekang Kbuten 25:23

Yó mon Dwata mò du, “Yóm bnututem yó, lewu le. Angat wen lewu but benwu tendo sfohon semfu gu bélê le. Kemgis yóm sotuhen, fen là yóm sotuhen. Yóm twogu angat baling tóbóng lówó yóm twoli.”

Tekang Kbuten 35:11

Ne yó mon Dwata mò du, “Ou se yóm Dwata laen dù là gbeken du. Holi mból anì baling ye sotu but benwu alì mbegel efet dê dumu but tau ne wen kem tau hol geta semfu gu béléem.

Tekang Kbuten 36:30

ne Disun ne Ésér ne Disan. Lu se fen malak bè ket tbong yó kem tau Hurayt menwu bè tonok Sér.

Lista 20:14

Wen kem tau Israél dók Musis lemwót bè yó bè Kadis etu bè yóm tau hol geta bè Idom. Bè yóm kkól le ditu yó mon yó kem tau dóken, “Ni se udél lemwót bè yó kem dumum setwoli kem tau Israél. Deng tngónem yóm tey keglayam me.

Dwata 33:29

Ó kem tau Israél, tey kligal ye kuy. Laen dù semnged kuy yu kem tau deng lenwà yóm sana kuy Dwata hol gónó mogot. Dwata se yóm kuy klung ne kuy sudeng mò mofin kuy ne hegmò kuy bè yó kem hohon ye. Yó kem hohon ye, angat le msut na le e hkodu bélê ye, okóm angat gotu genlà ye lu.”

Dwata 33:5

Bè yóm tehe gotu kestifun yóm sfolò lewu kem ktol yó kem tau Israél, gomong yó kem gel malak kul, yó se yóm kdaw kbaling Dwata mò hol geta bè yó kem tau Israél.”