Tekang Kbuten 35:8 - Udél Dwata: Gna Kesfasad ne Lomi Kesfasad

⁸ Bè yóm knô le bè yó bè Bétél, matay Dibura, yóm libun tehe gel semgyok ke Ribika lemwót bè hanà kudien. Ne lebeng le laan yóm koyu ok fi leged Bétél. Ne yó boluy le du yóm koyu gónón lebeng yó, “Ok Gónó Langag.”

Tekang Kbuten 35:8 Iomraidhean Croise

Tekang Kbuten 24:59

Tahu se, hmung le Ribika bè yóm tau tóbóng lówó Abraham ne yó kem dumuhen ne hmung le du yóm libun semgyok du lemwót bè hanà kudien.

1 Tutul Israél 10:12

lemwót yó kem sendalù le, tódô le lemwót anì na le e nwa lówó Sol ne lówó yó kem ngaen logi, ne nwit le mulék ebè Jabis. Ne lebeng le kem tiol le laan yóm koyu ok bè Jabis, ne hitu kdaw le mò du fasting.

Kmukum 2:1

Wen hógów Dwata gu bè longit lemwót bè Gilgal mógów etu bè Bukim. Yóm kkólen ditu, yó udélen ebè yó kem tau Israél, monen, “Deng hewau yu gu bè Idyip ne nwitu yu ebè nim tonok tehe fasadu yó kem tehe fù ye. Deng monu mò kuy là gbeku du ke là dnohou du yóm deng senfasad tekuy ditu bè Bulul Sinay.Ne yó deng kuy fasad do, béen wen senfasad ye bè yó kem tau menwu bè ni. Deng tehe dóku kuy hol genbà ye yó kem gónó le gel demsù ebè yó kem kul dwata lennged. Okóm là kô nimón ye du yóm deng hmou kuy yó.

Kmukum 2:5

Ne yó gónó le moluy du Bukim yóm benwu yó. Ne wen dsù le ebè Dwata bè yó yóm sana kul Dwata hol gónó mogot.

Kmukum 4:5

Yó gónón gel myón kmukum laan yóm sotu lefò gel mon le Lefò Dibura, nô bè blóng le benwu Rama ne yóm benwu Bétél bè yó kem bulul lemnek bè tonok Ifraim. Ne gel le mógów ebéléen yó kem tau Israél anì na le e hkukum du.

1 Samwél 10:3

Bud kewót ye bè yó efet ye gefet bè yóm koyu ok bè benwu Tabor. Bè yó angat wen tlu tau semlong kuy, kem tau mógów ebè Dwata bè Bétél. Yóm sotu, wen tlu ngà kambing nalaken ne yóm sotu wen tlu mambang tahà nwiten, ominen yóm sotu wen sning kulit ógóf hnok tifas nwiten.

1 Samwél 31:13

Omin le ma yó kem tiol le ne lebeng le laan yóm koyu tamaris bè yó bè Jabis ne hitu kdaw le mò du fasting.