Tekang Kbuten 35:5 - Udél Dwata: Gna Kesfasad ne Lomi Kesfasad

⁵ Bè yóm kdó Jakub ne yó kem ngaen logi bè yó bè Sékém, là kô ktes le kul yó kem tau hmilol bè yó abay se wen tey klikò le lemwót bè Dwata.

Tekang Kbuten 35:5 Iomraidhean Croise

Tekang Kbuten 34:30

Bè yóm ketngón Jakub du yóm deng nmò le Simyun ne Libay, yó monen mò kul, “Olo ye mit dou sbeweg lem nim benwu ni. Nim nmò ye ni, lómón ke ou yóm nmò ye boo bolok bè yó kem tau bè nim benwu ni bè kem tau Kanan ne bè kem tau Pirisayt. Ke ssotu nawa le mundug tekuy, ngem kà gotu hnatay le tekuy igò tekuy là hol wen.”

Tekang Kbuten 35:4

Tahu se, gotu blay le ke Jakub kdéen dwata lennged nô bélê le lemwót bè tólóng benwu ne kdê yó kem tdé le, gotu lebeng Jakub lu laan yóm koyu boluyen ok moni bè Sékém.

2 Tutul Israél 14:13

Ngang Asa ne yó kem sendaluen kemtes kul efet kól etu bè Girar, ne ya tey kwen yó kem sendalù Ityupya matay. Duhen yó, là kô bud gbek le semtifun kul yó kem dumu sendalù Ityupya ke mò tô mundug ke Asa. Genlà Dwata lu ne yó kem sendaluen, ne ya tey kwen negef yó kem sendalù Juda.

2 Tutul Israél 14:14

Gotu genlà yó kem sendalù Juda yó kem syudad hmilol Girar, abay se glumfak yó kem tau bè yó yóm alì klikò le ke Dwata. Hol kimu wen yóm negef le lem yó kem syudad bè yó.

2 Tutul Israél 17:10

Ominen yó nmò Dwata, suen bè yó kem dumu benwu hmilol Juda yóm klikò le du anì laen dù bélê le gmida ke Jihusafat.

Kem Lingón 105:14

Okóm là kô hlus Dwata du ke wen tau hemgnok kul. Yó kmò kofinen kul, eles wen gel hetgamahen yó kem tau hol geta mogot benwu, yó monen mò kul,

Kem Lingón 14:5

Okóm yó kem tau yó, angat wen kdawen sut bélê le yóm alì sidek klikò le, abay se yóm Dwata, sónmoen gel nô bè yó kem tau mimón du.

Kehewà 23:27

Yó kem tau angat mit kuy sfatay gu laan ye là deng gdofì bélê le, eles benlayu lu yóm ksidek klikò le dou. Angat hesbewegu kehedem le ne tódô gotu hlóyu lu.

Kehewà 34:24

Ou se angat hdó kul yóm kdéen tau bè yóm benwu deng fasadu kuy ne bud ou se angat hlamang du yóm benwu ye yó. Kogolen bè yó, laen kô dù tau mundug du yóm benwu ye bè yóm igò le mógów ebéléu tlu dulék sfalay yó kem logi bélê ye na a tmaba ebéléu.

Juswa 5:1

Tódô kdê yó kem tau hol geta bè kem Amurayt nô fi desdef Él Jurdan ne kdê yó kem tau hol geta bè Kanan nô bè kilil Mohin Miditiranyan, gotu mungol du yóm deng kehekti Dwata du bè yó kem tau Israél yóm Él Jurdan efet le gotu mifal yóm kdê le. Bè yóm kungol le du ya tey sidek klikò le, botong lana bélê le klóbô le.

1 Samwél 11:7

Wen lewu safì hnatayen, ominen gotu mólól du ne hwiten yó kem tau dóken ebè kdéen benwu glem lem Israél, yó udél hmungen du, monen, “Ke wen tau là móyóen mung ke Sol ne Samwél ebè gida, lómó angat kmou yó kem safì le lómón kheneku nim safì nii.” Tahu se, lemwót le. Ne yó nmò Dwata bè yó kem tau gónó le e solu, gotu le likò ne gotu le ssotu yóm kdê le ne gotu le mung.

1 Samwél 14:15

Ya tey sidek klangaf kesebwól yó kem kdê sendalù Flistin nô bè kamfù le ne yó kem sendalù nô bè lewà gomong yó kem sendalù deng eles mentey bè lan dalang se yó kem sendalù gel hundug le. Yó nmò Dwata, wen linol bong hwiten elem blóng le, ya tey sidek klikò yóm kdê sendalù Flistin.