Tekang Kbuten 35:3 - Udél Dwata: Gna Kesfasad ne Lomi Kesfasad

³ Mdó tekuy bè ni,” mon Jakub, “ne mógów tekuy etu bè Bétél. Bè yó gónóhu mò du yóm mò gónó demsù ebè Dwata, yóm Dwata tehe tmóbóng dou bè yóm tehe kwen gfau, ne deng eles tendo nô béléu snéen kihu gónóhu e solu.”

Tekang Kbuten 35:3 Iomraidhean Croise

Tekang Kbuten 28:15

Hol béem klifót, elese tendo nô béléem ne tendo kenlungu uu balù nô gónóm e solu ne angat bud nitu uu semfulék ebè nim benwu ni. Là kô bayau kóm. Angat gotu dnohou yóm kdê deng fasadu kóm.”

Tekang Kbuten 31:3

Omin Dwata mon du, “Ó Jakub, budi mulék ebè benwu yó kem fuem ne ebè yó kem dumuhem setwoli. Elese tendo nô béléem.”

Tekang Kbuten 31:42

Ke là elesen tendo mung dou yóm Dwata téméu Abraham ne mau Isak, déke tódô gbekem hulék dou hkawang dilóu. Okóm deng ton Dwata yóm kgelen béléu ne tonen snéen yóm alì kmou nmò béléem ne ebuteng heknahen kóm yóm kfihen dou.”

Tekang Kbuten 32:24

Bede fen tebel fatu kun tek sotuhen. Yóm knô Jakub bè yó, tódô wen tau sut béléen na a mit du sbunù. Ngang le sbunù efet móyón mwas.

Tekang Kbuten 32:7

Ya tey klikò Jakub, tey ktafa nawahen. Yó gónón mólól du bè lewu bung yó kem tau mung du ne dalang se yó kem ubihahen ne kem kambingen ne kem safien ne kem kamélen.

Tekang Kbuten 35:4

Tahu se, gotu blay le ke Jakub kdéen dwata lennged nô bélê le lemwót bè tólóng benwu ne kdê yó kem tdé le, gotu lebeng Jakub lu laan yóm koyu boluyen ok moni bè Sékém.

Tekang Kbuten 35:7

Omin Jakub semsodò botu bè yó mò gónón demsù ebè Dwata ne yó boluyen du yóm benwu yó, “Bétél, kun benwu Dwata,” abay se bè yó tehe gónó Dwata hegfan béléen bè yóm tehe kehlóyen hlayuk bè twoguhen.

Tekang Kbuten 48:15

Ominen molu ke Jusif hlanen bè yó kem ngaen, monen, “Yó hem Dwata tehe lolò téméu Abraham ne mau Isak, hol tmóbóng kul ni kem ngà logi ni. Yó hem Dwata tendo malak dou efet nim kmoen ni hol tmóbóng kul.

Kem Lingón 107:6

Mom yó he ktaba le ebè Dwata deng wen gfà le, ne lenwaen lu lem yóm tey gónó le glayam.

Kem Lingón 107:8

Là gbek le du ke là dóyón le ke Dwata bè yóm là konolen yóm kbong nawahen kul, ne bè yóm tey kehyu yóm deng nmoen bélê le.

Kem Lingón 46:1

Són Dwata yóm gónó tekuy e mlo, ne béléen gónón lemwót yóm kgis tekuy. Anien ke wen gfà sut bélê tekuy, eles nô bè yó se kun mò tmóbóng kut.

Kem Lingón 50:15

Ke wen gfà ye, tmaba ye ebéléu, lenwau yu mò gónó ye dmóyón dou.”

Kem Lingón 91:15

Ke tmaba le ebéléu, bnalau lu. Ke wen gfà le, elese nô bélê le. Tendo gel lenwau lu, ne tey kadatu kul.

Kem Udél Hlalak Tehe Selumun 3:6

Balù nô kihu nmoem nam na gel setngón ke Dwata ne du he malak kóm bè yóm lan tedeng.

Isaya 30:19

Yu kem tau nô bè Jirusalim laen dù bud nkik ye ne. Yóm Dwata tey kkoduhen tau. Ke hol ye mni tóbóng béléen bnalaen yu.

Isaya 43:2

Ke nifal ye yóm él nelem, elese gel mung kuy. Là kô ye limes bè yó kem mgel sut bélê ye. Ke mlan ye gu lem ofi, là kô ye na a mlób. Yó kem tilów mgel gel sut bélê ye, là kô nan e gehsidek kuy.

1 Samwél 10:3

Bud kewót ye bè yó efet ye gefet bè yóm koyu ok bè benwu Tabor. Bè yó angat wen tlu tau semlong kuy, kem tau mógów ebè Dwata bè Bétél. Yóm sotu, wen tlu ngà kambing nalaken ne yóm sotu wen tlu mambang tahà nwiten, ominen yóm sotu wen sning kulit ógóf hnok tifas nwiten.