Tekang Kbuten 35:19 - Udél Dwata: Gna Kesfasad ne Lomi Kesfasad

¹⁹ Bè yóm katay Rakél, lebeng le bè yóm kilil lan mógów ebè Ifrat. Yóm kmoen ni, yó boluyen yóm benwu yó, Bitlihim.

Tekang Kbuten 35:19 Iomraidhean Croise

Tekang Kbuten 35:16

Kewót le Jakub bè yó bè Bétél ne yó kem fes lówóhen, hlós le ebè Ifrat. Bè yóm igò le tolo mayuk bè Ifrat he, kmuleng blutut Rakél ne mima yóm ksut blututen.

Tekang Kbuten 35:18

Okóm yó hol són alu udél Rakél, monen, “Yó boluyu du yóm ngà ni, Binoni.” Ominen yó matay. Okóm yó kun boluy du maen, Bindyamin.Bè yóm katay Rakél, lebeng le bè yóm kilil lan mógów ebè Ifrat. Yóm kmoen ni, yó boluyen yóm benwu yó, Bitlihim.

Tekang Kbuten 48:7

Yó gónóhu mò du nim ni abay se lemwót bè yóm yéem Rakél. Tey klangagu du bè yóm katayen bè Kanan bè yóm kulék me gu bè Misuputamya. Deng me moni bè Ifrat ne yóm katayen. Tódô lebengu bè yó bè kilil lan mógów ebè Ifrat.” Yóm benwu Ifrat yó, yó se Bitlihim nim kmoen ni.

2 Samwél 23:14

Bè yóm kdaw tolo kehebnos Dabid bè yóm kilib yó, deng gled kem Flistin yóm benwu Bitlihim.

2 Samwél 23:15

Yó mon Dabid bè yóm tlu kem tauhen yó, “Tey hyu béléu ke wen él mò ninumu lemwót bè yóm kokol alì hyu élen moni bè bak tikeb bè Bitlihim.”

2 Tutul Israél 11:6

Hbegelen Bitlihim ne Itan ne Tikwa,

Kem Lingón 132:6

Deng gungol me nô bè benwu Ifrata yóm Slungan Fasad, ne ditu bè tonok Jaar gónó me mton du.

Mika 5:1

Ó kem tau bè Jirusalim, gotu sentifun ye lu yó kem sendalù ye. Deng snibut le tekuy yó kem hohon tekuy. Wen tuged nogot le mò bogul le lem uyó yóm tau malak bè Israél.

Mika 5:2

Okóm kóm Bitlihim Ifrata yóm sotu benwu lemnek snakuf Juda, béléem angat gónón lemwót yóm tau néléku mò mogot yó kem tau Israél. Yóm kun kbut yóm tau néléku ni, tehe kem yu ne ekni.

Mika 6:2

Ne yu kem bulul ne begel tonok lemwót bè hol kbuten ne laen kô dù tul sónen, hnungol ye yóm tifù Dwata yó kem tauhen. Wen tey tifù Dwata kul yó kem kun tau Israél.

Matyu 2:1

Bè Bitlihim tehe gónó Jisas sut, yóm sotu benwu udì bè prubinsya Judiya. Bè yóm kdaw yó, Hirod yóm tau hol geta bè yó. Timbow deng malù legen udì yóm ksut Jisas, wen kem tau hulung hménég blotik gdek bè syudad Jirusalim, lemwót le fi gu dmata kdaw. Wen snólók le bè yó kem tau bè yó, mon le,

Matyu 2:6

‘Nim Bitlihim, sotu benwu udì glem bè yóm kun benwu Juda. Balù yóm tey kudien, là kóen na a glaan bè yó kem syudad bè yó, yakà bè nim benwu udì ni gónón sut yóm tau mò malak yó kem dou tau Israél.’ ”

Rut 4:11

Ne mon yó kem tuha ne kem dumu tau hmungol du, “El, mi se deng gemtanud du. Dwata he hol hból lówóhen yóm libun yehenem lómón yóm tehe kehbólen lówó le Rakél ne Liya yó kem libun alì wen ngà Jakub bélê le. Balingi kwasa he lem blóng yó kem kóm kwen kem tau semfu bè Ifrat ne balingi tótól he bè ni bè Bitlihim.

1 Samwél 10:2

Bè yóm kulékem, yó ilô tonem wen lewu tau geslongem moni bè lebeng Rakél bè benwu Silsa nô bè kilil yóm kun benwu Bindyamin. Tulón le kóm yó kem kudà asnu hnebelem deng ton le lu, là bud tnafa nawa maem kul deng mom uu yóm tnafa nawahen, monen, ‘Nô se kun du yóm ngau logi?’

1 Samwél 16:4

Tahu se, nimón Samwél yóm hlolò Dwata du yó. Bè yóm kkólen bè Bitlihim, senlong yó kem tmuha malak bè yó bede tey sidek klikò le. Snólók le, “Laen dù sidek du kô yóm kógówem ni?”

1 Samwél 17:12

Yóm Dabid ngà Jisi. Yóm Jisi sotu tau semfu gu bè yóm tehe Ifraim ne nô bè Bitlihim yóm benwu glem lem Juda. Wen wolu ngaen logi ne bè yóm kogot Sol bè Israél deng tey tuha ne kun ke Jisi.