Tekang Kbuten 35:11 - Udél Dwata: Gna Kesfasad ne Lomi Kesfasad

¹¹ Ne yó mon Dwata mò du, “Ou se yóm Dwata laen dù là gbeken du. Holi mból anì baling ye sotu but benwu alì mbegel efet dê dumu but tau ne wen kem tau hol geta semfu gu béléem.

Tekang Kbuten 35:11 Iomraidhean Croise

Tekang Kbuten 12:2

Yó nmou béléem angat hwenu bólem ne baling le sotu but tau alì mbegel kbenwu le. Tódô henlósu tmóbóng kóm ne htótólu boluyem ne mlan béléem gónóhu tmóbóng yó kem dumu tau.

Tekang Kbuten 13:16

Angat hol hwenu bólem, laen kô dù gembek msó kul yóm kdê le, lómón ke nsóhem kfung te tonok.

Tekang Kbuten 15:5

Omin Dwata mit du hewà, ne monen mò du, “Temngeli ebè longit dé bè yó kem blotik, tilów nsóhem lu. Yóm alì kwen le yó, hol lómón yó se angat kwen yó kem semfu gu béléem.”

Tekang Kbuten 17:1

Timbow deng syóm folò syóm ne halay Abram, bud hegfan béléen Dwata ne monen mò du, “Ou se yóm Dwata laen dù là gbeken du. Hol tendo nimónem ou ne hol nmoem yóm tedeng.

Tekang Kbuten 17:16

Angat tey któbóngu du ne mlan béléen yóm ngà logi blayu kóm. Angat tey któbóngu du ne du yê yó kem tey dê kay but tau talak tonok. Ne wen se bè yó kem bólen baling tau hol geta.”

Tekang Kbuten 17:4

Yó bud mon Dwata mò du, “Yó hol fasadu kóm, uu se angat gónó le menmà yó kem dê but tau talak tonok.

Tekang Kbuten 18:14

Laen kô dù là gbek Dwata du. Halay hulihen he bud kesfuléku edini ne deng mngà logi ne Sara, hol lómón yóm deng monu koni.”

Tekang Kbuten 18:18

Blaem yó kem angat lugoden, baling le sotu but tau alì mbegel kbenwu le ne angat mlan béléen gónóhu tmóbóng yóm kdê kay but tau talak tonok.

Tekang Kbuten 22:17

Ne angat hol hwenu bólem, lómón kwen le blotik bè longit ne lómón kwen le helek bè kilil mohin. Ne angat le gel matù bè yó kem hohon le.

Tekang Kbuten 28:14

Tey angat kehwenu kul yó kem sfuhem yó, lómón kwen le kfung te tonok. Angat tey kehlamang le du yóm kbenwu le, gbek le hlamang du fi e desdef ne fi e dmata kdaw ne fi edebwak ne fi eleged. Hlanu béléem ne bè yó kem sfuhem yóm angat któbóngu yóm kdéen but tau bè klamangen benwu.

Tekang Kbuten 32:12

Hol béem klifót yóm deng kfasadem du dou yóm klaen dù hemenu bè yóm bud kuléku ne yóm kehwenem bólu là gbek tau msó kul, lómón kwen le helek bè kilil mohin.”

Tekang Kbuten 36:31

Lu se yó kem tau hol geta mogot bè Idom yóm gu laanen là deng wen kem tau hol geta mogot bè Israél.

Tekang Kbuten 43:14

Yóm Dwata laen dù là gbeken du hol mung kuy anì wen koduhen kuy tum tau tu, anì yó bud huléken ebélê ye Bindyamin ne yóm dumu ye setwoli deng tebel ditu. Ke béléu dou, ke lana béléu se yó kem ngau, laen kem bud kmonu du ne.”

Tekang Kbuten 46:3

Ne yó mon yóm mudél yó koni, “Ou se Dwata yóm Dwata tehe maem. Béi hlikò mógów etu bè Idyip abay se bè yó gónóhu hembaling yó kem bólem sotu but tau alì mbegel.

Tekang Kbuten 47:27

Deng le tódô menwu bè Gusén ne yó kem tau Israél, yóm benwu snakuf Idyip. Deng tey wen kendengen le bè yó ne deng tey kból le.

Tekang Kbuten 9:1

Yó olu Dwata ke Nuwa ne yó kem ngaen logi, monen, “Hol ye bud mból anì bud wen tau talak tonok.

Tekang Kbuten 9:7

Hol ye mból anì bud wen tau talak tonok.”

1 Tutul Israél 16:16

Ni se yóm deng tehe senfasad le Abraham, ne bud yó se fasaden ke Isak snéen yóm ngà Abraham.

1 Tutul Israél 16:17

Bud yó se fasaden ke Jakub yóm témê Abraham. Ne yó bud fasaden yó kem tau Israél, ne laen kô dù tul sónen yóm fasaden yó.

1 Tutul Israél 16:18

Yó tehe fasaden kul, monen, “Blayu kuy yóm benwu Kanan mò hol kuy nfun.”

Kehewà 1:7

Okóm yó kem sfu le, yóm bnoluy le kem tau Israél sónmò le mból. Tey kwen le ne tey le kemgis. Botong tô gotu lengeb le yóm benwu Idyip.

Kehewà 2:24

Ne gungolen yóm tey dolong le ne gtulón nawan yóm tehe fasaden kul le Abraham ne Isak ne Jakub.

Kehewà 6:3

Bè yóm tehe kehegfanu bè Abraham ne bè Isak ne bè Jakub, ou se yóm Dwata alì gembek. Okóm là kô deng hetngónu du kul he ke ou yóm sana Dwata hol gónó mogot.

2 Kurin 6:18

Ou se baling Mà ye, ne yu baling kem dou ngà. Ni se udél yóm gónó tekuy mogot yóm laen dù là gbeken du.”