Tekang Kbuten 34:9 - Udél Dwata: Gna Kesfasad ne Lomi Kesfasad

⁹ Bong hyu se ke gotu hyehen ye bélê me yó kem kuy ngà libun, ne bud hyehen me lu bélê ye snéen yó kem kum ngà libun.

Tekang Kbuten 34:9 Iomraidhean Croise

Tekang Kbuten 19:14

Omin Lat mógów ebè yó kem logi deng leminti yóm lewu kem ngaen libun, monen mò kul, “Géhél tekuy lemwót ne, hewà tekuy bè ni abay se móyón genlà Dwata nim benwu ni.” Okóm ofo kul ke hlowon Lat yóm monen yó.

Tekang Kbuten 24:3

Móyóe ke smafai mlan bè boluy yóm dou gónó mogot, yóm Dwata mò longit ne tonok. Hol safaem dou yóm là kebelem mò yehen yóm ngau bè ni kem libun Kanan.

Tekang Kbuten 27:46

Sotu kdaw bè yó, yó mon Ribika mò ke Isak, “Denge tey tmakas bélê le ne yó kem tólóng libun yehen Iso. Sélét ne ke tô bud myehen bè ni kem libun Hitayt Jakub, ngunte déke tódóe matay.”

Tekang Kbuten 34:10

Gbek ye menwu lem blóng me, balù kihu benwu nóyô ye. Menwu ye dini, ne gbek ye mò udél swa bélê me snéen, ne gbek ye ma tonok bélê me.”

Tekang Kbuten 34:8

Okóm yó mon Hamor mò kul, monen, “Hol tahu niwol ngau Sékém yóm ngaem libun. Ke yó dum hyu bélê ye, hyehen ye du.

Tekang Kbuten 6:2

Timbow ton yó kem gel nô bè longit tey knóón yó kem ngà le libun yó nmò le, tódô nwa le yóm kul nóyô bélê le mò yehen le.

Dwata 7:3

Bê ye abay myehen bélê le, dalang se yó kem ngà ye bê ye abay hyehen lu ebélê le.