Tekang Kbuten 34:8 - Udél Dwata: Gna Kesfasad ne Lomi Kesfasad

⁸ Okóm yó mon Hamor mò kul, monen, “Hol tahu niwol ngau Sékém yóm ngaem libun. Ke yó dum hyu bélê ye, hyehen ye du.

Tekang Kbuten 34:8 Iomraidhean Croise

Tekang Kbuten 34:3

Okóm tey kbong nawa Sékém ke Dina yóm ngà Jakub libun yó. Tey kehlinggelen stulón du anì wen nawa Dina ebéléen se kun.

Tekang Kbuten 34:7

Timbow gungol le nim gfà Dina ni, ya tey sidek kegbeng lem le ne tey kebut le lemwót bè yóm nmò Sékém bè yóm libun le, abay se yóm nmò Sékém yó, henyaken yó kem fes lówó Jakub mlan bè yóm kmoen du yóm alì sidek bélê le.

Tekang Kbuten 34:9

Bong hyu se ke gotu hyehen ye bélê me yó kem kuy ngà libun, ne bud hyehen me lu bélê ye snéen yó kem kum ngà libun.

1 Bok Kem Tau Hol Geta 11:2

Tehe wen hlolò Dwata kul yó kem tauhen, hol bê le abay myehen bè yó kem libun lemwót bè tólóng benwu, abay se ke myehen le bè yó, nwit le lu tmaba ebè yóm kul dwata kéng. Okóm ke Selumun, mom duilen miwol yó kem libun lemwót bè tólóng benwu.

Kem Lingón 119:20

Senflósen hol nô bè nawahu yóm óyóu temngón du yó kem hlauhem.

Kem Lingón 63:1

Ó Dwata, uu se yóm hol dou Dwata, tey khahuu kóm. Tey kesgalu nawahu kóm. Hol lómó kegnómu du, hol lómón yóm tonok mékéng là buden hyu, balù udì ke méfê. Hol lómón yó se kegnómu du bè yóm khahuu kóm.

Kem Lingón 84:2

Hol kóyóu ke bude nô bè yó. Tey khahuu du yóm Gónóem, Dwata. Tahu lemwót bè nawahu hligal lemingón ebè yóm Dwata laen dù tul katayen.

Jirimaya 22:27

Là kô bud tonem du ne yóm benwu ye ne là kói bud gesfulék edu.