Tekang Kbuten 34:7 - Udél Dwata: Gna Kesfasad ne Lomi Kesfasad

⁷ Timbow gungol le nim gfà Dina ni, ya tey sidek kegbeng lem le ne tey kebut le lemwót bè yóm nmò Sékém bè yóm libun le, abay se yóm nmò Sékém yó, henyaken yó kem fes lówó Jakub mlan bè yóm kmoen du yóm alì sidek bélê le.

Tekang Kbuten 34:7 Iomraidhean Croise

Tekang Kbuten 20:9

Omin Abimélék htaba ke Abraham, ne monen mò du, “Tedu de nim deng nmoem bélê me ni? Tedu de deng nmou béléem sidek gónóm mò du bélê me nim ni? Moen ke lómón ni yóm salà hbóem dou dalang se yóm benwu nogotu? Là kóen hyu yóm deng nmoem béléu ni.

Tekang Kbuten 34:6

Lemwót Hamor mà Sékém, mógów ebè Jakub anì stulón le gbak bè yó kem ngà le. Bè yóm kkól Hamor bè yó, kól le se kul yó kem ngà Jakub logi gu le bè yóm gónó le hótób ógóf.

Tekang Kbuten 34:8

Okóm yó mon Hamor mò kul, monen, “Hol tahu niwol ngau Sékém yóm ngaem libun. Ke yó dum hyu bélê ye, hyehen ye du.

Tekang Kbuten 46:7

yó kem ngaen logi ne yó kem ngaen libun ne yó kem téméen. Là gomongen bè nili yóm bérs 8 kól bè bérs 25. Hono boluy yó kem fes lówó Jakub bè yóm kili le ebè Idyip.

2 Samwél 13:21

Timbow tngón Dabid nim ni, ya tey sidek kebuten. Okóm là kô dog tnafaken ke Amnon yóm ngaen logi, abay se tey bong nawahen du, abay se du twogu bè kdê yó kem ngaen.

Kem Lingón 93:5

Yó kem kóm hlau, Dwata, là kóen megetles. Ne yóm kóm Gónô, yó heklóón du, duhen yóm klaen dù belenem laen kô dù tul sónen.

Kem Udél Hlalak Tehe Selumun 7:7

Tódô tonu se yó kem là ngelem kehedem le duhen yó kem logi lomi lemnok ne wen sotu bélê le yóm laen dù ledemen.

Jirimaya 29:23

Abay se ni kem tau ni, tey gedlug yóm salà nmò le bè yó kem tauhu. Kóem snamuk le yehen yó kem dumu le sebét ne gel le mò kéng hlan le bè boluyu. Ou se temksì du nim ni,” mon Dwata.

1 Kurin 10:8

Hol bê tekuy abay mò samuk. Wen se bélê le tehe mò du ekni, ya tey ktafak Dwata kul. Botong lewu folò tlu libu kwen le segeng hnatay Dwata bè yóm kdaw yó.

1 Kurin 6:18

Holi hlayuk du yóm mò samuk. Balù kihu dumu salà nmò tau, là gomongen lemen yóm lówóhen. Okóm yóm tau mò samuk, gomong hensideken yóm kun lówó.

Ifisus 5:3

Lemwót bè yóm deng kbaling ye kun tau Dwata, là kóen hyu ke mò ye samuk, duhen ke nmò ye yó kem dumu nmò gónó hemyak knô, duhen ke seglom ye. Balù olo bè kestulón du yó kem yó, bê tekuy abay gbót du.

Kulasi 3:5

Yó gónóm mon, gotu kó ye ne yóm kdéen sidek knóyô lówó ye. Béen abay wen bélê ye mò samuk, ne yó kem dumu nmò gónó hemyak knô. Hol kenbê ye yóm knawa mò du yó kem yó. Kó ye snéen yóm nawa seglom, abay se yóm gel sen-glom ye yó, deng duhen yó se dwata ye.

1 Timuti 5:13

Déke knalam le sembad lem blóng gónô, hlós le lemfu. Là olon yó du, okóm hlós baling libun lemnek ksumóngen, dê snoloen, hbólen yó kem là hyu bud hból du.

Hibru 13:4

Ke sok deng syehen yóm tau, hol nadat tekuy sen yóm kul kesyehen yó, bê abay kneyek lu. Ne ke deng wen yehen tekuy, hol bê tekuy abay ndà. Tnafak Dwata yóm tau smamuk ne yóm tau ndaen yehenen.

Sulat Jim 3:10

Tek sotu sumóng se gónón mlan yóm udél dmóyón ke Dwata ne yóm udél hemtolo dumu tau. Là kóen hyu yóm yó, kem dumuhu setwoli.

Juswa 7:15

Yó se tau tendoku, deng duhen yó gónóhen nô yóm kimu monu yó. Yó tafaken, hnatay ye, ne tódô hkekeb ye bè ofi gomong yó kem fes lówóhen ne yóm kdê nfunen. Yóm nmoen yó, deng nuléhen yóm deng senfasad tekuy ne tey sidek kehyaken yó kem tau Israél.”

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.