Tekang Kbuten 34:5 - Udél Dwata: Gna Kesfasad ne Lomi Kesfasad

⁵ Ne bè yóm kungol Jakub du yóm là bud kólós Dina lemwót bè yóm deng nmò Sékém béléen, laen kô dù tagad nmoen, nahen nangat kkól yó kem ngaen logi, abay se tolo le hótób safì.

Tekang Kbuten 34:5 Iomraidhean Croise

Tekang Kbuten 34:4

Duhen yó, stulón ke maen Sékém, monen mò du, “Ó Mà, yake nwahem dou yóm libun ni mò yehenu.”

Tekang Kbuten 34:6

Lemwót Hamor mà Sékém, mógów ebè Jakub anì stulón le gbak bè yó kem ngà le. Bè yóm kkól Hamor bè yó, kól le se kul yó kem ngà Jakub logi gu le bè yóm gónó le hótób ógóf.

Tekang Kbuten 46:34

hol tulón ye du, semgyok ógóf yóm kuy sana gel nmò lómón yó kem tehe fù ye ekni anì yó, suen yu bè ni bè Gusén.” Yó gónó Jusif mò du yóm yó abay se yó kem tau Idyip gel kenhisik le yó kem tau semgyok ógóf.

2 Samwél 13:22

Laen dù udél Absalum ebè Amnon bè yóm nmoen yó, abay se tey sidek kutó nawahen du bè yóm deng nmoen bè libunen.

Kem Lingón 39:9

Tódóe yem bè soluhen, là kóe bud mudél, abay se uu yóm deng tmafak dou.

Hlolò 10:3

Omin Musis mon du mò ke Aron, “Nim hegfà Dwata kul ni, ni se gónón e gbak yóm tehe udélen, yóm monen, ‘Angat hegfanu bè yó kem tau blóng ebéléu yóm tey klaen dù belenu. Ne angat wen klikò le do yó kem tau Israél.’ ” Okóm tódô neb Aron.

Kun Snulat Luk 15:25

Bong yóm ngaen twogu, tolo nô bè tniba kun. Bè yóm kuléken, deng moni ebè gónô ne, gungolen yóm tey kehligal le tembol ne madal.

Kun Snulat Luk 15:29

Mom yó monen mò ke maen, monen, ‘Tenngelem dé, Mà, tey deng kegenu tendo mò nmò béléem, lómón tóe tau hesek. Ne balù sulék ke deng sen-gilu uu. Ewenem yó, balù yóm ngà kambing, là kô deng nam e htétê du do mò gónóhu mit kem dumuhu hligal.

1 Samwél 10:27

Okóm wen kem tau bè yó fen gel hesbeweg benwu mudél sidek eta Sol, mon le, “Tô kegbeken lemwà tekuy du yóm tau ni?” Ne tey kehnê le du ne là kô le dog mit ebéléen yóm mò basa le du. Okóm tódô henek Sol.

1 Samwél 16:11

Omin Samwél smólók ke Jisi, “Tek sónen ni ne kô yó kem ngaem logi?” Bnalà Jisi se, monen, “Wen he duen yóm hol són imot bélê le, okóm tolo hótób kem ubiha.” Mon Samwél se mò ke Jisi, “Yake hangayem, là tagad tekuy mken ke là dengen kól bè ni.”

1 Samwél 17:15

Okóm ke Dabid bè yóm kmoen nmò bè Sol, ket kiwólen semfulék ebè Bitlihim semgyok yó kem ubiha maen.