Tekang Kbuten 34:29 - Udél Dwata: Gna Kesfasad ne Lomi Kesfasad

²⁹ Gotu negef le yóm kdê kendengen le, gomong kem yehen le ne kem ngà le, kkólen bè yó kem kdê nô lem gónô le, gotu negef le.

Tekang Kbuten 34:29 Iomraidhean Croise

Tekang Kbuten 31:26

Bè yóm keston le, yó udél Laban ebè Jakub, monen, “Tey Tò, moen de ke tódói hlana, tódô nówóngem yó kem ngau libun? Hol lómó kmoem kul kem libun negef bè gida.

Tekang Kbuten 34:27

Omin le bud husek se kul yó kem dumu ngà Jakub logi, gotu negef le kdê yó kem kimu nô lem yóm syudad yó lemwót bè yóm là bud kólós Dina, yóm libun le.

Tekang Kbuten 34:28

Gotu nwa le yóm kdê ubiha le ne kem safì le ne kem kudà asnu le. Bud nwa le snéen kdê yó kem nô lem syudad le, dalang se yóm kdê ton le ditu bè yóm tonok gónó le mò hulu.

Tekang Kbuten 34:30

Bè yóm ketngón Jakub du yóm deng nmò le Simyun ne Libay, yó monen mò kul, “Olo ye mit dou sbeweg lem nim benwu ni. Nim nmò ye ni, lómón ke ou yóm nmò ye boo bolok bè yó kem tau bè nim benwu ni bè kem tau Kanan ne bè kem tau Pirisayt. Ke ssotu nawa le mundug tekuy, ngem kà gotu hnatay le tekuy igò tekuy là hol wen.”

Lista 31:11

Timbow deng gotu sentifun le yó kem deng negef le gomong lemen tau ne kem ógóf,

Lista 31:9

Gotu negef kem sendalù Israél yó kem libun Midyan ne yó kem ngà le kkólen bè yó kem safì le ne kem ubiha le. Ne gotu nuku le yó kem kendengen le.