Tekang Kbuten 34:26 - Udél Dwata: Gna Kesfasad ne Lomi Kesfasad

²⁶ gomong hnatay le Hamor lewu le Sékém. Omin le ma ke Dina bè gónô Sékém, ne nwit le mulék.

Tekang Kbuten 34:26 Iomraidhean Croise

Tekang Kbuten 34:25

Okóm bè yóm getluhen kdaw yóm igoen tolo hdék yóm halì le, lemwót yó kem lewu ngà Jakub logi Simyun ne Libay, nit le sudeng le, ne tódô le husek lem yóm syudad, ne laen kô dù tau hemdem du ke wen sidek nmò le. Gotu hnatay le yóm kdê logi bè yó,

Tekang Kbuten 34:27

Omin le bud husek se kul yó kem dumu ngà Jakub logi, gotu negef le kdê yó kem kimu nô lem yóm syudad yó lemwót bè yóm là bud kólós Dina, yóm libun le.

Isaya 31:8

Angat meglà bè gida yóm benwu Asirya hohon ye, okóm là lemwóten bè kgis tau. Angat le gotu mlóy gu bè gida yó kem sendalù Asirya. Ne yó kem lomi lemnok bélê le angat le gotu baling hesek.

Kun Snulat Luk 21:24

Angat wen se bélê le matay bè bak sudeng. Ne wen se bélê le kenfô le mò nit le ebè yó kem dumu benwu mayuk. Ne angat tódô genlà le Jirusalim yó kem tau là Ju le efet kól bè yóm kdaw keteflok Dwata kul.”

Dwata 32:42

Angat moyos bè hanaku litô le. Ne angat le matay bè sudengu yó kem tau kembê dou. Laen dù hlowilu bè yó kem tau semfatay do. Balù yó kem tau olon hnalì ne yó kem tau negef angat le tódô gotu matay.’