Tekang Kbuten 34:14 - Udél Dwata: Gna Kesfasad ne Lomi Kesfasad

¹⁴ Yó mon le mò kul le Sékém, “Là gbek me du ke tô hyehen me yóm kum libun bè yóm logi là tnulien. Ke yó nmò me, hol kenyak bong bélê me.

Tekang Kbuten 34:14 Iomraidhean Croise

Tekang Kbuten 17:11

Lenwóten ni, gotu tnulì ye yó kem ngà logi bélê ye deng wolu buteng le sut. Homong ye yó kem kul ngà logi yó kem hesek ye sut lem gónô ye, ne kem ngà logi yó kem hesek benli ye lemwót bè tólóng benwu. Yóm nmò ye ni mò ilô yóm deng kesfasad te.

Tekang Kbuten 17:14

Ke wen logi là dengen tnulì, là bud dou tau du ne yóm tau yó abay se là loloen du yóm deng senfasad te.”

Tekang Kbuten 34:13

Okóm yó nmò yó kem logi Dina, snukat le Sékém lewu le maen Hamor lemwót bè yóm deng nmò Sékém bè libun le.

Tekang Kbuten 34:15

Okóm són gónó me móyô kóm, ke ket logi bélê ye, gotu le htulì, lómón yóm kum.

2 Samwél 1:20

Hol bê ye abay tulón bè yó kem hohon tekuy ditu bè benwu Gat, ne hol bê ye tulón bè syudad Askilun. Ke tulón ye bè yó, gotu le hligal yó kem libun Flistin. Gotu le hligal yó kem libun là hemtahu le bè Dwata.

2 Samwél 15:7

Tikóng deng fat halayen bè yó, yó mon Absalum bè yóm tau hol geta, “Yake hógówem ou ebè Hibron anì naw e hendohò yóm deng fasadu ke Dwata.

1 Bok Kem Tau Hol Geta 21:9

Yó nô lem yóm sulaten, monen, “Gotu htaba ye lu yóm kdéen tau nô bè yó anì fasting le ne mni le bè Dwata, ne hol hyón ye Nabot bè yóm gónón myón yóm tau nadat ye.

Matyu 2:13

Yóm kogol le mulék yó kem tau hulung hménég blotik yó, wen bud hógów Dwata gu bè longit bud hegfan bè kna Jusif, monen mò du, “Ó Jusif, btiki ne, géhél nwitem yóm ngà lewu le yéen etu bè Idyip. Tódô ye na nô ditu efet kól bè yóm bud khuléku kuy edini, yakà angat hfebel Hirod du yóm ngà anì hfatayen.”

Matyu 2:8

Timbow deng tngónen, ominen hógów kul ebè Bitlihim, monen mò kul, “Hlós ye sen, mógów ye kut ebè Bitlihim na ye e hnebel yóm ngà lomi sut yó. Kesok ton ye, na ye e tulón dou dini anì naw e gbót hnódó se do.”

Sulat Pol Ebè Yó Kem Tau Hemtahu Bè Rom 4:11

Deng gegna ne yóm kehtahu Abraham ke Dwata ominen yó he htulì. Hmò Dwata du yóm yó mò ilô yóm deng ktedeng ktonen du lemwót bè yóm deng kehtahu Abraham béléen. Ne duhen yó, lemwót bè yóm kehtahu Abraham ke Dwata, yó gónóhen baling mà kdéen tau hemtahu bè Dwata, baluen he ke là Ju le, ne baluen he ke là tnulì le. Tódô lemwót bè kehtahu le gónón tedeng kton Dwata kul.

Kmukum 14:3

Okóm tey kekbê le du le maen ne yéen, mon le mò du, “Moen du ke ditu gónóm mebel yehen bè yó kem Flistin là temngón ke Dwata? Ilóem laen dù tonem libun bè ni kô bè kut kwen duhen ke bè yó kem dumu tau Israél?” Okóm yó mon Samsun mò ke maen, “Du yóm nóyóu mò yehenu. Nwa ye dou.”

1 Samwél 14:6

Yó udél Junatan ebè yóm tau mit klungen, monen mò du, “Géhéli, hnusek te kamfù yó kem Flistin là hemtahu bè Dwata yóó. Là tngónem du déke tnóbóngen tu Dwata. Ke tnóbóngen tu, laen kô dù hemseng du bè yóm kehegmoen kut baluen ke tek sónen tu.”

1 Samwél 17:26

Omin Dabid mudél ebè yó kem tau mdà klohoken, monen mò kul, “Tedu se ofolen yóm tau gemhatay du yóm Flistin yóó ne ke kóhen bélê tekuy kem tau Israél yóm gónó tekuy myak nii? Tmau du se nim Flistin là hemtahu bè Dwata nii, tô nwiten sfatay yó kem sendalù yóm Dwata là matayen?”

1 Samwél 17:36

Ni se deng nmou bè yó kem liyun ne bè yó kem bér ne ni se bud nmou bè yóm Flistin là temngón ke Dwata yóó, yakà deng nbóten kul sfatay yó kem kun sendalù yóm Dwata là matayen.