Tekang Kbuten 33:9 - Udél Dwata: Gna Kesfasad ne Lomi Kesfasad

⁹ Okóm yó mon Iso mò du, “Deng tey wen ne dou, Woli. Mò kóm ne yó kem deng gutahem.”

Tekang Kbuten 33:9 Iomraidhean Croise

Tekang Kbuten 27:39

Ne yó mon Isak mò du, “Bong béléem kóm, laen dù amù lemwót bè longit ke hméfê tonokem. Laen dù tonok hyu ke mò nfunem.

Tekang Kbuten 27:40

Són olo gónóm mowil, són bè sudengem ne balingi tóbóng lówó yóm twolihem. Okóm bè yóm kdaw katuem du angati gewà lem hólólen.”

Tekang Kbuten 27:41

Ya tey kutó nawa Iso ke Jakub lemwót bè yóm deng kolu mà le du. Yó hendemen, “Móyónen matay ne yóm mà. Ne ke deng matay, hnatayu Jakub.”

Tekang Kbuten 33:10

Okóm yó mon Jakub, “Béem mom tô kenbê. Ke deng mulék hyu se nawahem ebéléu, henmóyóem sen yó kem basahu kóm yó. Bè yóm ktonu lem uyóhem ni, hol lómón ke deng tonu lem uyó Dwata lemwót bè yóm tey kehyu yóm nmoem béléu ni.

Tekang Kbuten 4:9

Ne snólók Dwata Kain, “Ó Kain, nô se twolihem du?” Bnalà Kain se, monen, “Là tngónu du dou. Là kô ou du semgyok du?”

Kem Udél Hlalak Tehe Selumun 16:7

Yóm tau ke sok hefligalen Dwata bè kmoen balù yó kem hohonen bud senfyu Dwata lu.

Kem Udél Hlalak Tehe Selumun 30:15

Wen sotu tau alì sbì lewu ngaen libun ne ni kem ngaen libun ni són mò le mon du, ‘Benlay mi.’ Mkél le bè nim tlu là wen tul kegsengelen, o fat dé yóm là kô mon le du, ‘Geblaen ni ne.’ Ni se lu:

Kul Nmò 21:20

Tey kdóyón le ke Dwata bè yóm kungol le du yóm tulón Pol kul. Ominen wen se kul tulón ke Pol, mon le, “Deng tódô kem tngónem ne kóó yóm deng tey hilu libu tau Ju deng hemtahu bè Jisas, okóm tolo alì mget klolò le du yóm hlau Musis.

Kul Nmò 9:17

Tahu se, lemwót Ananiyas, mógów ebè yóm gónô gónóhen nô Sol, ominen husek. Tonen se Sol, ne nenoken, monen, “Ó Woli Sol, hógówen ou edini yóm gónó te mogot Jisas, yóm Jisas deng hegfan béléem bè lan bè yóm kógówem edini. Hógówen ou anì budi mton, ne anì suen béléem yóm Tulus Dwata.”

Filimun 1:16

Bè yóm kuléken ebéléem ni, là kóen na a olo bud tô klifen béléem, bede deng baling hol dumum setwoli sogot nawa bè Krays. Lómón yó snéen yóm dou kehedem du yóm knóen dini béléu. Milud he yó dum kóm nawa du lemwót bè yóm kfunem du, ne lemwót bè yóm kessotu nawa ye hemtahu bè yóm gónó tekuy mogot.

Filimun 1:7

Tey kligalu, Wè, ne tey klaan nawahu lemwót bè yóm kbong nawahem kem dumuhem hemtahu. Ne tey lingas nawa le se kul yó kem kun tau Dwata lemwót bè yóm gel któbóngem kul.