Tekang Kbuten 33:13 - Udél Dwata: Gna Kesfasad ne Lomi Kesfasad

¹³ Mon Jakub se, “Tngónem se, dou gónó mogot, tey ganag kógów me, là deng le hol kemgis mógów he yó kem ngà. Ne yó kem ubiha ne yó kem safì malak ngà, ke tô henslou kógów le balù tek sendaw, déke gotu le matay yó kem ógóf.

Tekang Kbuten 33:13 Iomraidhean Croise

Tekang Kbuten 33:12

Omin Iso mon du, “Yó ne, lemwót tekuy, fene gna bélê ye.”

Tekang Kbuten 33:14

Gnahi kum ne,” mon Jakub, “hganag me huli he. Tódô tógón me bè kganag kógów yó kem ógóf ne yó kem ngà efet gafitu uu bè Idom.”

1 Tutul Israél 22:5

Yó udél Dabid, monen, “Hanà tolo ngà he yóm ngau Selumun, ne laen dù deng glanen. Bè yóm kehdà tekuy yóm Gónô Dwata, hyu ke hol tilob, ne hol tótól bè yó kem benwu hmilol tekuy. Yó gónóhu hol eles semtifun yó kem ngomen.” Yó gónóm mon, gu laan Dabid là deng matay, deng eles sentifunen yóm kdê ngom bè kehdà le yóm Gónô Dwata, ne ya tey kwenen.

Kem Lingón 78:71

Nwahen Dabid gu bè yóm gónón semgyok yó kem ubiha libun wen ngà le, nmoen mò semgyok yó kem sfu Jakub, yó kem tau Israél hol kun nfun Dwata.

Kem Udél Hlalak Tehe Selumun 12:10

Yóm tau tedeng kmoen tilob kesegyoken yó kem ógófen, okóm yóm tau gel mò sidek sidek kógófen.

Isaya 40:11

Tey hyu yóm angat kesegyoken kul, lómón yóm tau hyu kesegyoken yó kem ubihahen. Gel sentifunen yó kem ngà ubihahen ne gel sniwihen lu. Ne hen-ganagen malak yó kem yê le.

1 Samwél 6:10

Tahu se, nmò le yóm tulón le kul yó. Wen lewu safì libun nwa le, leket le bè yóm klitun lomi nmò le ne knukub le yó dum kem ngà le lomi sut.