Tekang Kbuten 33:10 - Udél Dwata: Gna Kesfasad ne Lomi Kesfasad

¹⁰ Okóm yó mon Jakub, “Béem mom tô kenbê. Ke deng mulék hyu se nawahem ebéléu, henmóyóem sen yó kem basahu kóm yó. Bè yóm ktonu lem uyóhem ni, hol lómón ke deng tonu lem uyó Dwata lemwót bè yóm tey kehyu yóm nmoem béléu ni.

Tekang Kbuten 33:10 Iomraidhean Croise

Tekang Kbuten 19:19

Tey deng któbóngem dou, glokem hlowil dou. Okóm tey mayuk tu kem bulul tuu. Gu laanu là deng gefet ditu, deng gafiten ou ne yóm heglumfak Dwata yóm syudad yó ne mataye.

Tekang Kbuten 32:30

Yó udél Jakub, monen, “Denge tódô suyó ke Dwata dou, hol là bangen du ke là mataye.” Ne yó boluyen du yóm benwu yó, Pinyél.

Tekang Kbuten 33:11

Hol henmóyóem sen nim blayu kóm ni.” mon Jakub. “Tey klinggel nawahen ebéléu yóm Dwata, tódô gotu blayen dou yó kem wen muhu du.” Tódô kem henlel Jakub mubug ke Iso efet henmóyô Iso yó kem basa Jakub du.

Tekang Kbuten 33:9

Okóm yó mon Iso mò du, “Deng tey wen ne dou, Woli. Mò kóm ne yó kem deng gutahem.”

Tekang Kbuten 43:3

Yó mon Juda mò ke maen, “Deng tehe hol monen mò kum yóm tau tehe gónó me bemli ken, hol bê me abay hton béléen ke là na me hol nwit du yóm twoli me.

Tekang Kbuten 47:29

Bè yóm kdaw móyón katayen htabahen Jusif, yóm ngaen ne monen mò du, “Ó Ngà, suem lem blóng hahahu henmuem safaem béléu yóm là kebengem dou bè ni bè Idyip.

Tekang Kbuten 50:4

Timbow deng kodung le du, omin Jusif yó mudél ebè yó kem tau genlal Faro, monen mò kul, “Tulón ye dou ke Faro,

2 Samwél 14:24

Yó mon yóm tau hol geta mò ke Juab, “Nwitem hlós ebè gónóen, là móyóe ston du.” Tahu se, hlós ebè gónóen Absalum, là kô le ston yóm tau hol geta.

2 Samwél 14:28

Botong lewu halay Absalum nô bè Jirusalim là ston le yóm tau hol geta.

2 Samwél 14:32

Bnalà Absalum, monen, “Abay se là móyói mógów edini bè yóm kehtabahu kóm. Tô hógówu uu ebè yóm tau hol geta anì snólókem béléen moen ke hangayen ou bè Gisur ke là se móyóen ston do. Mom hyu he ke tódóe nô ditu. Hestonem ou bè yóm tau hol geta. Ke wen se salau, hfatayen ou.”

Job 33:26

Ke mni bè Dwata yóm tau yó ya tey kehmóyóen du. Tey kehligal Dwata bè yóm kehmóyóen du ne bud baling hyu ktonen du.

Kem Lingón 41:11

Tngónu se hligali béléu, abay se là kô hlusem kul ke gemmò le béléu yó kem hohonu.

Jirimaya 31:2

Tehe yu ekni bè yóm benwu laen hol wen tauhen, tey kkoduhu kul yó kem dù tau mowil. Bè yóm kdaw alì sidek kliteg yó kem tau Israél, hegfane lem blóng le lemwót gu bè yóm tey mayuk gónóhu nô.

Matyu 18:10

“Hyu ke béen abay wen hen-gnok ye bè ni kem ngà nii. Tódô tulónu kuy, eles wen yó kem hógów Dwata tendo gel nô bè Mà bè longit fen gel semgyok kul.

Deng Hegfan 22:4

Deng le hol tahu suyó ke Dwata ne, ne yóm kun boluy Dwata, sket snulat lem uyó le.

Rut 2:10

Tódô mtud bukol bè soluhen Rut, yóm uyóhen botong gefet bè tonok ne monen mò ke Buas, “Kiholem hemdem do ne yóm tey kehyu nawam ebéléu, igou tólóng libun?”

1 Samwél 20:3

Ominen wen safà mget nmò Dabid bè Junatan, monen, “Tngón maem yóm tey klinggel keswè te, kaem yó mon nawan, ‘Là kô tulónu du ke Junatan nim ni, déke sidek kegnómen du.’ Okóm tulónu kóm ktahuhen, smafae béléem ne gungol yóm Dwata là matayen, denge tey moni ne bè hatay.”