Tekang Kbuten 32:9 - Udél Dwata: Gna Kesfasad ne Lomi Kesfasad

⁹ Omin Jakub mni bè Dwata, yó monen, “Ó Dwata, hol hnungolem ou. Uu se Dwata téméu Abraham ne mau Isak. Uu se mdók dou mulék ebè dou benwu ne ebè yó kem dou dumu ne deng fasadem dou se yóm klaen dù hemenu bè yóm kuléku.

Tekang Kbuten 32:9 Iomraidhean Croise

Tekang Kbuten 17:7

Nim fasadu kóm ni ne yó kem angat sfuhem,” mon Dwata, “là kóen bud mulék elem baku, hol fasad laen kô dù tul sónen. Yó fasadu kóm, ou se hol kóm Dwata ne bud ou se hol kul Dwata yó kem angat sfuhem.

Tekang Kbuten 28:13

Ne knahen Dwata mdà klohoken, yó mon Dwata mò du, “Ó Jakub, ou se yóm Dwata hol gónón mogot yóm téméem Abraham ne yóm maem Isak. Yóm tonok gónóm hlilil ni, blayu kóm ne yó kem angat sfuhem.

Tekang Kbuten 28:15

Hol béem klifót, elese tendo nô béléem ne tendo kenlungu uu balù nô gónóm e solu ne angat bud nitu uu semfulék ebè nim benwu ni. Là kô bayau kóm. Angat gotu dnohou yóm kdê deng fasadu kóm.”

Tekang Kbuten 31:13

Ou se yóm Dwata tehe hegfan béléem bè Bétél, yóm tehe gónóm hemdà botu ne wen hnolo twélem tahen mò heftulón du bè nawam ne deng wen fasad mget nmoem béléu bè yó. Yó ne, htifesi anì budi mulék ebè yóm benwu tehe gónóm sut.’ Yó se yóm hekna Dwata dou,” mon Jakub.

Tekang Kbuten 31:29

Wen se kwalisu mò sidek béléem, okóm ebuteng hegfan béléu bè knahu yóm Dwata gónón mogot maem. Eles hetgamahen dou anì là mudéle sidek ebéléem.

Tekang Kbuten 31:3

Omin Dwata mon du, “Ó Jakub, budi mulék ebè benwu yó kem fuem ne ebè yó kem dumuhem setwoli. Elese tendo nô béléem.”

Tekang Kbuten 31:42

Ke là elesen tendo mung dou yóm Dwata téméu Abraham ne mau Isak, déke tódô gbekem hulék dou hkawang dilóu. Okóm deng ton Dwata yóm kgelen béléu ne tonen snéen yóm alì kmou nmò béléem ne ebuteng heknahen kóm yóm kfihen dou.”

Tekang Kbuten 31:53

Yó hem kul Dwata le Abraham ne Nahor mò fen angat kmukum kut ke nulé te yóm deng senfasad te ni.” Tahu se, tódô lolò Jakub yóm deng senfasad le yó hlanen bè boluy Dwata yóm gónón mogot maen Isak.

Tekang Kbuten 32:8

Yó hendemen, “Ke sut Iso ne ke genlaen yóm sotu bung, hyu ke wen lanen mlóy yóm sotuhen.”

Tekang Kbuten 49:25

Yóm Dwata gel tmóbóng kóm Jusif, yó se kun Dwata maem, yóm Dwata laen dù là gbeken du, du se yóm gel tmóbóng kóm. Yó tóbóngen kóm, gel hkulónen gu tta gu bè longit ne gel hetbulen yó kem él laan tonok. Tey kehbólen du yó kem ógófem, dalang se yó kem ngaem.

2 Tutul Israél 20:12

Ó Dwata yóm hol kum Dwata, là genlaem kul kô bè nim nmò le ni? Là kô gbek me gemmò bélê le ni kem tey genged sendalù alì mbegel tô mundug kum ni. Là tngón me du ke tedu nmò me, okóm són uu gónó me e temngel mò tmóbóng kum.”

2 Tutul Israél 20:6

Mni bè Dwata, monen, “Ó Dwata yóm Dwata yó kem tehe fù me, tek són uu se yóm Dwata nô bè longit. Uu se mogot kul yóm kdéen benwu tau talak tonok. Teyi mfasang, ne gotu gbekem kdéen. Laen kô dù gembek kóm.

2 Tutul Israél 32:20

Omin Hisikaya yóm tau hol geta lewu le yóm tugod Dwata boluyen Isaya ngà Amus, hendlà mni ebè Dwata.

Kem Lingón 50:15

Ke wen gfà ye, tmaba ye ebéléu, lenwau yu mò gónó ye dmóyón dou.”

Kem Lingón 91:15

Ke tmaba le ebéléu, bnalau lu. Ke wen gfà le, elese nô bélê le. Tendo gel lenwau lu, ne tey kadatu kul.

Kehewà 3:6

Ou se sana Dwata yó kem tehe fuem, le Abraham ne Isak ne Jakub.” Bè yóm kungol Musis du yóm udél yó, botong nsengen uyóhen bè yóm alì klikoen temngel ebè Dwata.

Jirimaya 32:16

Tikóng deng oguhu ke Baruk yóm klatas tonok yó koni ominu mni bè Dwata, monu,

1 Samwél 30:6

Tey glumfak bong nim glumfak Dabid ni abay se tey sidek khééten bè yó kem tauhen yóm deng kegef le yó kem yehen le ne yó kem ngà le. Yó hendem le tô sentudà le botu Dabid anì matay. Okóm tey ketgelen ke Dabid yóm kun Dwata hol gónó mogot.