Tekang Kbuten 32:7 - Udél Dwata: Gna Kesfasad ne Lomi Kesfasad

⁷ Ya tey klikò Jakub, tey ktafa nawahen. Yó gónón mólól du bè lewu bung yó kem tau mung du ne dalang se yó kem ubihahen ne kem kambingen ne kem safien ne kem kamélen.

Tekang Kbuten 32:7 Iomraidhean Croise

Tekang Kbuten 32:11

Hol hnihu béléem, hol lenwaem ou ke wen sidek tô nmoen béléu yóm twoguhu Iso. Tey sidek klikou, déke sut ne tódô gotu hnatayen mi kdê me, gomong kem libun ne yó kem ngà.

Tekang Kbuten 32:3

Wen kem tau hógów Jakub tukô gna ebè yóm twoguhen Iso nô bè benwu Idom.

Tekang Kbuten 32:8

Yó hendemen, “Ke sut Iso ne ke genlaen yóm sotu bung, hyu ke wen lanen mlóy yóm sotuhen.”

Tekang Kbuten 33:1

Hanà tolo mayuk, deng sana ton Jakub Iso semlong du ne botong fat latu tau mung du. Yó nmò Jakub, nólólen yó kem ngaen bè le Liya ne Rakél ne bè yó kem lewu libun nmuhen.

Tekang Kbuten 35:3

Mdó tekuy bè ni,” mon Jakub, “ne mógów tekuy etu bè Bétél. Bè yó gónóhu mò du yóm mò gónó demsù ebè Dwata, yóm Dwata tehe tmóbóng dou bè yóm tehe kwen gfau, ne deng eles tendo nô béléu snéen kihu gónóhu e solu.”

Kem Lingón 107:6

Mom yó he ktaba le ebè Dwata deng wen gfà le, ne lenwaen lu lem yóm tey gónó le glayam.

Kem Lingón 112:5

Hyu kun yóm tau mahil bemlay, yóm tau mahil hutóng ne là lenugihen yó kem dumuhen bè udél swa.

Kem Lingón 142:4

Ke temngele gu hilolu, laen kô dù tonu tau ke tmóbóng do. Balù sotu ke wen hemdem do. Laen dù tau tmóbóng dou. Laen dù tau hemdem du ke wen gel glumfaku.

Kem Lingón 31:13

Tey dê gungolu udél le etahu, ne deng slibut dou yóm alì knikou. Deng natul le ou yó kem hohonu, natul hnatay le ou.

Kem Lingón 61:2

Htóbónge béléem, kewótu bè sokol tonok abay se tey sidek kegnómu du. Hol nwitem ou ebè yóm botu geta sentahu gónón laen dù hemenu,

Kehewà 14:10

Timbow le temngel semfulék yó kem tau Israél, tódô ton le Faro ne yó kem tey sendaluen móyón gdofì bélê le. Ya tey sidek klikò le ne tey ktaba le ebè DWATA mni le tóbóng béléen.

Kem Udél Hlalak Tehe Selumun 2:11

Yóm khulungem mit du hyu yóm kmoem ne yóm khulungem temnef yó se yóm kemlung kóm.

Matyu 10:16

“Ngem,” mon Jisas, “bè nim khógówu kuy ni, lómón ke ubiha mógów elem blóng tu kem lóbô lem bnes boluyen wolf. Hol ye hfulung temgama, lómón yóm kul khulung temgama yó kem ulal. Ne hol hninggel ye knawa ye, lómón yóm kul klinggel knawa yó kem obun.

Matyu 8:26

Bnalà Jisas se lu, monen, “Mò ye kat alì likò ni du? Tey udì yóm kehtahu ye.” Ominen yó tódô hboluk btik, ne mudél ebè yóm lenos ne yóm tey lewók, monen, “Botongen ne.” Ne tahu se, tódô sen-gengen se menek gu talak lanaw.

Kun Snulat Jan 16:33

Yó gónóhu eles tmulón du kuy ni kem ni anì lemwót bè yóm kessotu tekuy gónón wen kenek nawa ye. Angat tey wen gónó ye glayam lemwót bè yó kem tau là hemtahuhen,” mon Jisas, “okóm bê ye abay hlikò, abay se denge matù bélê le.”

Kul Nmò 14:22

Ten-gel le nawa yó kem tau hemtahu, ne tey kegduf le kul anì là gkó le du yóm deng ksalig le ke Jisas. Yó mon le, “Nan dê he mgel glan tekuy ke tô tekuy gmung bè yóm kogot Dwata tau.”

2 Kurin 1:4

Nô kihu gónó tekuy glayam, tey gel któbóngen tekuy anì yó, hulung tekuy tmóbóng yó kem dumu tekuy hulin kdaw ke wen gónó le glayam se kul. Lómón yóm tehe któbóng Dwata tekuy, bud lómón yó se khulung tekuy tmóbóng yó kem dumu tekuy.

2 Timuti 3:12

Ke wen tau hol sen-galuhen kguliten lanen mimón ke Krays Jisas, wen gónón glayam bè yó kem dumu tau là hemtahuhen.