Tekang Kbuten 32:31 - Udél Dwata: Gna Kesfasad ne Lomi Kesfasad

³¹ Deng sut mata kdaw ne yóm kewót Jakub bè yó bè Pinyél, bede deng mom tugô lemwót bè yóm deng kesléhé lem hunuken.

Tekang Kbuten 32:31 Iomraidhean Croise

Tekang Kbuten 16:13

Bè yóm deng kulék yóm hógów Dwata tódô mudél tek sotu Hagar, monen, “Tey, deng tonu Dwata dou, kiholu là matay?” Ne yó boluyen du yóm Dwata mudél ebéléen yó, “Yóm Dwata hol mton dou.”

Tekang Kbuten 19:15

Timbow minal mwas, tey keheslò le ke Lat yóm lewu kem hógów Dwata yó. Yó mon le, “Hesloi ne, hol géhél nitem hewà bè ni yehenem ne yóm lewu kem ngaem libun anì là gomong le matay ke genlà Dwata yóm syudad ni.”

Tekang Kbuten 19:23

Deng sut mata kdaw ne yóm kgefet le Lat bè Sur.

Tekang Kbuten 32:25

Timbow gnóm yóm tau yó yóm là bud kegbeken ke Jakub, tódô nogoten bè hunuk Jakub, botong sléhé.

Tekang Kbuten 32:32

Balù ni kmoen ni, yó kem tau Israél là kô ken le du yóm unged nô bè hunuk yóm kihu kay ógóf, abay se bè yó tehe gónó Dwata mogot ke Jakub bè yóm tehe kehesléhéhen du.

1 Bok Kem Tau Hol Geta 12:25

Omin Jirubuam hbegel du yóm benwu Sékém yóm benwu lem yó kem bulul lemnek snakuf Ifraim, ne nahen na nô bè yó. Kogolen bè yó, bud tnagaken, ne bud hbegelen yóm benwu Pinwél.

1 Bok Kem Tau Hol Geta 18:26

Tahu se, gotu nmò le yóm hlolò Ilaydya kul yó, ne hlasà le ta yóm gónó gel demsù yóm safì deng henek le, omin le tmaba bè boluy Baal efet kól talak kemdaw. Botong le mensag, mon le, “Hol bnalaem mi, Baal.” Ne tey kadal le hmilol yóm gónó gel demsù nmò le, okóm laen kô dù balà Baal kul.

Kem Lingón 38:17

Móyóne matay, senflósu gemnóm du yóm ketduken.

Kehewà 24:10

ne bè yó ton le yóm kul Dwata yó kem tau Israél. Yóm gónóhen mdà tey sminang, lómón kenawen longit bede tey mtataw.

Kehewà 24:11

Balù yóm deng tódô kton le ke Dwata yó kem tuha gel malak yó, là kô hensideken kul. Tódô ton le Dwata, omin le seyón mken bè yó ne ninum le yóm kul gel ninum.

Isaya 6:5

Botong monu, “Adéy, laen dù bud nefet nawahu ne. Denge golu elem hatay ne dou abay se ket udél btang bè sumóngu hono sidek. Lelen yó he nóe lem blóng yó kem tau sónmoen sidek kudél le. Blaem ni, tódô dou mata mton du yóm hol dandónen geta yóm Dwata laen dù là gbeken du.”

Malakay 4:2

Okóm bélê ye kuy kem tau wen klikò ye do, wen gónóhu tmóbóng kuy. Angat nwitu elem blóng ye yóm kukum tedeng. Yó angat kmoen bélê ye, lómón ke kdaw mnóng ebélê ye mò hkó des ye. Angat ye hligal abay se laen dù bud gónó ye gfét, lómó kligal ye lómón yóm ngà safì laen dù bud féten, hligal mlóy ne hkak.

2 Kurin 12:7

Okóm kogol tu kem tey dê tonu tu koni, wen tey tenduk hegnóm Dwata do anì là nitu du hegmón yóm dê deng htonen do. Ya tey sidek kegnómu du yóm tenduku yó, lómón ke wen dók Seitan tendo tembek do. Yó muhen anì là balinge tau hegmón du.

2 Kurin 12:9

Okóm mom monen mò do, “Wen gónóhu gel tmóbóng kóm anì gbekem hembala du. Kaem yóm gónóm lunog yó, bè yó se gónón gfan yóm hol kfasangu tmóbóng kóm.” Duhen yó, tey kligalu du yó kem gónóhu gel lunog, abay se là kóen mkó béléu yóm kfasang Krays gel tmóbóng dou.

Dwata 5:24

ne mon le mò dou, ‘Deng hton Dwata kum, yóm sana kut Dwata hol gónó mogot, yóm tey keslinangen ne yóm tey kegetahen bè yóm kungol me du yóm udélen gu lem yóm dilóf ofi. Deng tngón me kemdaw ni gbek tau mowil anien ke deng mudél ebéléen Dwata.

Dwata 5:26

Laen kô dù tau bud mowil ke gungolen udél yóm Dwata laen tul katayen gu lem tum dilóf ofi, lómón yóm deng gungol me.

Kmukum 6:22

Yó he ketngón Gidyun du hógów Dwata gu bè longit yóm tonen, ya tey sidek klikoen. Yó udélen, monen, “Ó Dwata yóm hol dandónen geta, deng tonu yóm hógówem gu bè longit, deng me tódô suyó.”

Kmukum 6:23

Okóm yó mon Dwata mò du, “Béi abay hlikò, henekem nawahem, là kói matay he.”

Kmukum 8:8

Kewót le Gidyun bè yó, tódô le hlós ebè yóm benwu boluyen Pinwél ne senged snéen tô le bud mni ken bè yó kem tau bè yó. Bud senged se balà le kul yó kem tau bè Pinwél lómón yóm kul balà kul yó kem tau bè Sukut.