Tekang Kbuten 32:28 - Udél Dwata: Gna Kesfasad ne Lomi Kesfasad

²⁸ Ne yó bud mon yóm tau yó, “Lemwót bè yóm deng khotuhem gelem ebè Dwata ne bè tau, yó gónóm matù. Là bud Jakub du ne boluyem. Yó tles boluyem, Israél.”

Tekang Kbuten 32:28 Iomraidhean Croise

Tekang Kbuten 17:15

Yó bud mon Dwata mò ke Abraham, “Lenwóten ni, béem bud boluy ke yehenem Saray. Yó tles boluyen Sara.Angat tey któbóngu du ne mlan béléen yóm ngà logi blayu kóm. Angat tey któbóngu du ne du yê yó kem tey dê kay but tau talak tonok. Ne wen se bè yó kem bólen baling tau hol geta.

Tekang Kbuten 17:5

Là bud Abram du ne boluyem. Yó tles boluyu kóm Abraham abay se uu gónó le menmà yó kem tey dê but tau talak tonok.

Tekang Kbuten 25:31

Bnalà Jakub se, monen, “Blayu kóm nim ni ke blayem dou yóm kóm kwalis bè ketwogu.”

Tekang Kbuten 31:24

Bè yóm kifu yó, hegfan bè kna Laban Dwata, monen mò du, “Ó Laban, hol ten-gamahem yóm kudélem ebè Jakub, béi abay mudél sidek ebéléen.”

Tekang Kbuten 32:24

Bede fen tebel fatu kun tek sotuhen. Yóm knô Jakub bè yó, tódô wen tau sut béléen na a mit du sbunù. Ngang le sbunù efet móyón mwas.

Tekang Kbuten 32:27

“Tedu boluyem?” mon yóm tau yó mò ke Jakub. Mon Jakub se, “Jakub.”

Tekang Kbuten 33:20

Omin Jakub semsodò botu bè yó mò gónón demsù ebè Dwata. Yó boluyen du yóm gónón demsù yó, Él Élohi Israél. Yó lanen, “Alì gembek yóm kun Dwata Israél.”

Tekang Kbuten 33:4

Okóm ke Iso kun, tódô mlóy ebè Jakub nan e lenagaf lenkef ne neleken. Ya tey keskik le.

Tekang Kbuten 35:10

Yó mon Dwata mò du, “Jakub se yóm boluyem, okóm lenwóten ni yó tles boluyem Israél.” Duhen yó, yó tles boluy Dwata ke Jakub Israél.

2 Samwél 12:25

yó gónón bud hógów ke Natan yóm tugoden anì boluyen du Jididaya yóm ngà yó lemwót bè yóm kbong nawa Dwata du.

1 Bok Kem Tau Hol Geta 18:31

Wen sfolò lewu botu nwahen, hningónen yó kem sfolò lewu ngà Jakub logi yóm tau tehe gónó Dwata e mudél, monen mò du, “Israél bud boluyem.”

Kem Udél Hlalak Tehe Selumun 16:7

Yóm tau ke sok hefligalen Dwata bè kmoen balù yó kem hohonen bud senfyu Dwata lu.

Isaya 43:1

Yu kem tau Israél, ni udél yóm Dwata tehe mò kuy, monen, “Hol bê ye abay hlikò, angat lenwau yu. Deng tnabahu boluy ye, yu se yóm dou tau nfun.

Kun Snulat Jan 1:42

Ne omin Andru mit ke Simun ebè Jisas. Uni Jisas mton ke Simun, henmung monen mò du, “Uu se Simun, ngà yóm sotu Jan. Okóm yó bud tles boluyem, Sifas.” (Yóm boluy Sifas yó, senged lanen bè yóm boluy Pitér. Yó lanen, “botu.”)

Deng Hegfan 2:17

Duhen yó, yóm tau wen klinguhen, hol hnungolen dé yóm tulón yóm Tulus Dwata bè yó kem tau bè ket simbahan. Yó kem tau gel matù bè yóm sidek gel sut, angat hkenu kul yóm ken là ton mata du mò hekgis kul. Ne angat benlayu lu ket kul sotu yóm botu bukay wen lomi boluy nô du. Laen dù dumu tau temngón du yóm boluy yó, tek són yóm tau gmuta du.”

1 Samwél 26:25

Omin Sol mon du mò ke Dabid, “Dwata he muyag kóm, Ngà. Tey dê he angat nmoem ne angat tey wen uléken.” Duhen yó, hlós ebè yóm kun gónó e solu Dabid ne fen mulék ebè gónóen ke Sol.