Tekang Kbuten 32:26 - Udél Dwata: Gna Kesfasad ne Lomi Kesfasad

²⁶ Yó mon yóm tau mò ke Jakub, “Kóhem ou ne, abay se deng móyón mwas.” Mon Jakub se, “Là kô kóhu kóm ke là nan wen oluhem dou.”

Tekang Kbuten 32:26 Iomraidhean Croise

Tekang Kbuten 32:25

Timbow gnóm yóm tau yó yóm là bud kegbeken ke Jakub, tódô nogoten bè hunuk Jakub, botong sléhé.

Tekang Kbuten 32:27

“Tedu boluyem?” mon yóm tau yó mò ke Jakub. Mon Jakub se, “Jakub.”

Kem Lingón 67:1

Ó Dwata, hol knoduhem mi, ne hol knudungem mi. Htonem kum yóm alì kehyu nawahem ebélê me

Kehewà 32:10

Ne ni béem henseng o, tey kebutu kul ne gotu genlau lu. Ne yó tles nmou angat tey kehbólu kóm ne yó kem angat semfu gu béléem. Nmou yu sotu bung tau alì mbegel.”

Isaya 45:11

Yóm Dwata laen dù belenen gónó le mogot yó kem tau Israél, du se eles matul yóm mò kmoen elem haya. Yó udélen, “Laen dù kwalis ye smólók do ke tedu kmou kul yó kem dou ngà, duhen ke yu tô tmulón du dou yóm hyu mò nmou bélê le.

Isaya 64:7

Laen dù tau tmaba ebéléem ne laen se dù tau htóbóng béléem. Dengi mom hebnos bélê me, deng tódô bayaem mi abay se lemwót bè salà me.

Sulat Pol Ebè Yó Kem Tau Hemtahu Bè Rom 8:37

Okóm lemwót bè yóm tóbóng Krays, yóm fen kembong nawa tekuy, yó gónó tekuy matù bè yó kem mgel gel sut bélê tekuy.

1 Kurin 15:58

Yó gónóm mon, kem dumuhu sogot nawa, hol hbegel ye dé kehtahu ye, bê ye abay hili nawa ye. Bê ye abay senkó mò du yóm hmoen kuy yóm gónó tekuy mogot, abay se deng hónô tngón ye, kdéen nmò tekuy bè yóm gónó tekuy mogot tey wen uléken.

Dwata 9:14

Béem tô henseng ou bè nim nmou bélê le ni abay se deng nô bè nawahu ne yóm keglau kul anì laen dù bud hemtulón kul nawa. Okóm kóm, nmou uu mò mà yóm sotu but tau alì genged ne alì mbegel senta le.’

Hibru 5:7

Bè yóm tolo knô Jisas te tonok ekni, tey khotuhen nawahen gel mni bè Dwata, mung du yóm tey kkiken ne yóm gel kosok lewoken, abay se gbek Dwata lemwà du bè yóm katayen. Lemwót bè yóm keheglaanen bè Dwata ne yóm hol óyóen mimón du, hnungol Dwata yóm knihen ebéléen.