Tekang Kbuten 32:25 - Udél Dwata: Gna Kesfasad ne Lomi Kesfasad

²⁵ Timbow gnóm yóm tau yó yóm là bud kegbeken ke Jakub, tódô nogoten bè hunuk Jakub, botong sléhé.

Tekang Kbuten 32:25 Iomraidhean Croise

Tekang Kbuten 19:22

Bede heslò ye sen, mlóy ye. Là tagad wen nmou ke là deng ye kól bè yó.” Lemwót bè yóm kboluy Lat du benwu udì yóm benwu yó, yó gónó le moluy du Sur.

Tekang Kbuten 32:24

Bede fen tebel fatu kun tek sotuhen. Yóm knô Jakub bè yó, tódô wen tau sut béléen na a mit du sbunù. Ngang le sbunù efet móyón mwas.

Tekang Kbuten 32:26

Yó mon yóm tau mò ke Jakub, “Kóhem ou ne, abay se deng móyón mwas.” Mon Jakub se, “Là kô kóhu kóm ke là nan wen oluhem dou.”

Tekang Kbuten 32:32

Balù ni kmoen ni, yó kem tau Israél là kô ken le du yóm unged nô bè hunuk yóm kihu kay ógóf, abay se bè yó tehe gónó Dwata mogot ke Jakub bè yóm tehe kehesléhéhen du.

Isaya 41:14

Bud mon Dwata, “Yu kem tau Israél, là kô ye hol wen se kuy ne laen kô kgis ye. Okóm hol bê ye abay hlikò, ou se tmóbóng kuy. Ou se yóm kuy Dwata kem tau Israél yóm Dwata laen dù belenen. Ou se lemwà kuy.

Isaya 45:11

Yóm Dwata laen dù belenen gónó le mogot yó kem tau Israél, du se eles matul yóm mò kmoen elem haya. Yó udélen, “Laen dù kwalis ye smólók do ke tedu kmou kul yó kem dou ngà, duhen ke yu tô tmulón du dou yóm hyu mò nmou bélê le.

Matyu 26:41

Bê ye tagad tungô dé. Hol ye mni bè Dwata anì là wen gónó ye gsindil bè Seitan. Tngónu wen se óyô ye mò du yóm monu mò kuy ni, okóm là gbek lówó ye du.”

Matyu 26:44

Ne ominen bud tmagak kul na e mni bè getluhen dulék, tódô nuliten yóm gna kmò knihen.