Tekang Kbuten 32:20 - Udél Dwata: Gna Kesfasad ne Lomi Kesfasad

²⁰ hol mon ye mò du, ‘Tahu se, yó huli kum Jakub, yóm tóbóng lówóhem.’ ” Yó hendem Jakub, “Ke wen blayu du, déke mulék hyu nawahen ebéléu. Ne ke segeslong me, déke hnifóten ou.”

Tekang Kbuten 32:20 Iomraidhean Croise

Tekang Kbuten 32:19

Senged se bud udélen ebè yóm gewuhen malak ógóf ne bè getluhen ne bè kdê yó kem dumu wen halaken kul. Yó monen mò kul, “Ni se mò tulón ye ke Iso ke geslong ye,

Tekang Kbuten 32:21

Duhen yó, gna hwiten yó kem mò blayen ke Iso, okóm kun fen tebel bè yóm gónó le kmamfù bè yóm kifu yó.

Tekang Kbuten 43:11

Ne mon mà le se mò kul, “Ke lómón se yó kmoen, lemwót ye sen. Bede mit ye yó kem hyu bélê tekuy bè ni mò basa ye tum gubérnor tu. Mit ye béléen yóm litok koyu alì tilob boohen ne wen tneben ne wen yó kem dê kay som ne wen kem bungu koyu ken lemen lemwót bè yó kem koyu pistasyu ne koyu almun.

Kem Udél Hlalak Tehe Selumun 15:18

Yóm tau sunget són moen mit sbólów bè kem dumu tau, okóm yóm tau là mahilen lembut fen gel senfyuhen yó kem tau sbólów.

Kem Udél Hlalak Tehe Selumun 16:14

Sok alì lembut yóm tau hol geta ayawen wen matay ne yóm tau hulung hedem eles nebelen lanen hebó yóm kebut yóm tau hol geta yó.

Kem Udél Hlalak Tehe Selumun 18:16

Yóm basa hennasen lan yóm tau bemlay ne niten bè solu yó kem tau bong boluy le.

Kem Udél Hlalak Tehe Selumun 21:14

Yóm kimu lifut blay hebóhen lebut ne yóm kimu mò wa nawa lifut blay, hkóhen yóm sidek kebut.

Kem Udél Hlalak Tehe Selumun 6:35

Là kô henmóyóen du balù kihu kimu btad le béléen ne là gsengel nawan du balù nô kbong yóm basa le du.

Juna 3:9

Là tngón te du ke tenles Dwata hendemen, mkó yóm kebuten tekuy ne yó se gónó tekuy là matay.”

2 Timuti 2:25

Ne ke wen tau semkuya du yóm kun tulón, hol hen-ganagen nawahen tmulón du kul yóm gónó le là segtud. Déke fen tenles Dwata he yóm hendem le, ne dilô le yóm hol ktahuhen,

1 Samwél 6:5

Nmò ye nim ni mò gónó ye hegfan du yóm kadat ye yóm kul Dwata yó kem tau Israél. Déke bè ni gónón temflok yóm ktafaken tekuy dalang se yó kem dwata ye ne yóm tonok ye.