Tekang Kbuten 32:2 - Udél Dwata: Gna Kesfasad ne Lomi Kesfasad

² Bè yóm kton Jakub kul, botong monen, “Deng bè ni gónóhen kmamfù Dwata.” Ne yó gónóhen moluy du Mahanaim yóm benwu yó.

Tekang Kbuten 32:2 Iomraidhean Croise

2 Samwél 17:24

Deng le sana gefet bè benwu Mahanaim le Dabid. Okóm kul le Absalum ne yóm kdéen sendalù mung du, hanà le tolo mifal Él Jurdan.

1 Bok Kem Tau Hol Geta 2:8

Ne béem klifót Simi ngà Gira logi, yóm tau lemwót bè benwu Bahurim glem lem tonok Bindyamin. Tey tehe kehedwatahen do bak bè yóm tehe klóyu ebè Mahanaim. Okóm bè yóm bud keston me bè Él Jurdan, smafae béléen hlanu bè boluy Dwata anì là hnatayu du.

2 Bok Kem Tau Hol Geta 6:17

Omin Ilaysa mni bè Dwata, monen, “Ó Dwata, hol htonem bè yóm tau tóbóng lówóhu yó kem mofin kum.” Tahu se, hton Dwata du, ne tódô tonen se yó kem bulul hmilol kul deng tódô tfeng kudà ne klitun tók hono ofi.

Kem Lingón 103:21

Hol dóyón ye Dwata se kuy, yu kem mfasang nô bè longit. Yu se yó kem tóbóng lówóhen tendo gel mò du yóm kun kóyô.

Kem Lingón 148:2

Ne yu kem gel hógówen gu bè longit, hol dóyón ye Dwata se kuy. Ne yu kem tey kdê sendaluen bè yó, hol dóyón ye Dwata se kuy.

Kem Lingón 24:10

Tau du de yóm hol dandónen geta yó? Du se yóm Dwata laen dù gónón là gemmò bè yó kem hohonen. Du se yóm hol dandónen geta.

Kem Lingón 34:7

Wen hógów Dwata gu bè longit gel mentey yó kem tau wen klikò le du, ne lenwaen lu bè yó kem gónón wen gfà le.

Danyél 10:20

Yó balaen do, monen, “Tngónem kô yóm nógówu ni? Yó nógówu edini naw e tulón kóm yóm deng snulat lem yóm Bok Gónóhen Nô yóm Ktahuhen. Ke deng ktulónu du kóm, bude semfulék naw e bud mit sfatay bè yóm geta htulus Seitan bè Pérsya. Sok deng yó, ominu bud sfatay bè yóm geta htulus Seitan mogot bè benwu yó kem tau Grik. Laen dù dumu gembek tmóbóng do mit sfatay bélê le tek sónen Maykél yóm hol geta bè yó kem hógów Dwata, mò gel mofin kuy kem tau Israél.” Là gomongen bè nili yóm tsaptér 11. Ni se sfu yóm hton Dwata ke Danyél bè tsaptér 10, duhen yóm angat msut elem hulin kdaw. Yó tulón yóm hógów Dwata ke Danyél, angat hilu latu halayen yóm tendo kessatù le yóm tau hol geta fi leged yóm tau hol geta fi bwak. Senfatay le ke mahil du bélê le mogot yóm klamangen. Tódô senflós le sgida yóm lewu benwu lembang ni, blaem gomong meflayam lemen benwu Israél. Yó angat nmò yóm sotu tau hol geta fi bwak, angat hensengen yóm gel kedsù le ebè Dwata yó kem tau Israél. Tulón yóm hógów Dwata ke Danyél yóm angat kehlayamen yó kem tau Israél yóm sotu tau hol geta fi bwak.

Kun Snulat Luk 2:13

Na, tódô kendel ton yó kem tau semgyok ubiha yóm tey genged hógów Dwata gu bè longit. Ya tey kwen le, semngal le, dóyón le Dwata, mon le,

Juswa 5:14

“Là,” mon yóm tau yó. “Ou se kmandér bè yó kem sendalù Dwata.” Tódô lemfen bè tonok Juswa lanen heglaan knóen béléen, monen, “Ó Sér, ou se tau tóbóng lówóhem. Tedu se hmoem dou du?”