Tekang Kbuten 32:13 - Udél Dwata: Gna Kesfasad ne Lomi Kesfasad

^13-15 Tódô suloy Jakub buteng nô bè yó. Timbow hlafus, wen néléken bè yó kem ógófen mò slongen ke twoguhen Iso. Yó néléken mò blayen du, 200 kambing libun ne 20 kambing logi, 200 ubiha libun ne 20 ubiha logi ne 30 kamél libun hono malak nati, 40 safì libun ne 10 safì tudu, 20 kudà asnu libun ne 10 kudà asnu logi.

Tekang Kbuten 32:13 Iomraidhean Croise

Tekang Kbuten 13:16

Angat hol hwenu bólem, laen kô dù gembek msó kul yóm kdê le, lómón ke nsóhem kfung te tonok.

Tekang Kbuten 15:5

Omin Dwata mit du hewà, ne monen mò du, “Temngeli ebè longit dé bè yó kem blotik, tilów nsóhem lu. Yóm alì kwen le yó, hol lómón yó se angat kwen yó kem semfu gu béléem.”

Tekang Kbuten 18:2

Ne yó nmoen, temngel ebè lewà, tódô wen tonen tlu kem tau mdà bè yó. Bè yóm ktonen kul, tódô kendel mdà ne hetlasik mógów ebélê le ne tódô hegdufok ebè tonok bè solu le.

Tekang Kbuten 22:17

Ne angat hol hwenu bólem, lómón kwen le blotik bè longit ne lómón kwen le helek bè kilil mohin. Ne angat le gel matù bè yó kem hohon le.

Tekang Kbuten 33:10

Okóm yó mon Jakub, “Béem mom tô kenbê. Ke deng mulék hyu se nawahem ebéléu, henmóyóem sen yó kem basahu kóm yó. Bè yóm ktonu lem uyóhem ni, hol lómón ke deng tonu lem uyó Dwata lemwót bè yóm tey kehyu yóm nmoem béléu ni.

Tekang Kbuten 33:8

Bud snólók Iso, monen, “Tedu se tu du kem gna geslongu? Muhem kul se kem tu du?” Bnalà Jakub se, monen, “Tu se mò gónón mulék hyu nawahem ebéléu.”

Tekang Kbuten 42:6

Lemwót bè yóm deng kbaling Jusif gubérnor bè Idyip, yó nmoen, gel hembalù ken bè yó kem tau bè klamangen benwu. Ngangen ne gefet béléen yó kem twoguhen, gotu le mtud bukol bè soluhen ne hegdufok le ebè tonok.

Tekang Kbuten 43:11

Ne mon mà le se mò kul, “Ke lómón se yó kmoen, lemwót ye sen. Bede mit ye yó kem hyu bélê tekuy bè ni mò basa ye tum gubérnor tu. Mit ye béléen yóm litok koyu alì tilob boohen ne wen tneben ne wen yó kem dê kay som ne wen kem bungu koyu ken lemen lemwót bè yó kem koyu pistasyu ne koyu almun.

Tekang Kbuten 43:26

Timbow kól Jusif, omin le ma yó kem mò basa le du ne nit le ebéléen lem gónóen, gotu le hegdufok ebè tonok bè soluhen.

Nihimaya 4:13

Bè yóm kungolu du yóm yó, yó nmou sket benlayu lu tók ne buyus ne boho yó kem tau mò nmò, ominu mólól kul mlan bè ket tbong le ne suu lu bè ket gónón là deng sikof yóm beng botu bud hdà me mò mentey bè yó.

Kem Udél Hlalak Tehe Selumun 17:8

Yóm tau bemlay yóm kimu mò wa nawa, hol lómón ke bulung wen ktueden bè ktonen du yóm tau bemlay du, abay se balù kihu tau gónón e bemlay du sal gel gutahen yóm nóyóen du.

Kem Udél Hlalak Tehe Selumun 18:16

Yóm basa hennasen lan yóm tau bemlay ne niten bè solu yó kem tau bong boluy le.

Kem Udél Hlalak Tehe Selumun 19:6

Yóm tau masa tey dê tau móyô mit du swè ne yóm tau gel bemlay tey dê tau swè du.

Kem Udél Hlalak Tehe Selumun 21:14

Yóm kimu lifut blay hebóhen lebut ne yóm kimu mò wa nawa lifut blay, hkóhen yóm sidek kebut.

1 Samwél 25:27

Ne ni, henmóyóem nim basahu kóm dalang se yó kem tauhem.

1 Samwél 25:8

Snólókem yó kem tauhem anì tulón le kóm nim ni. Yó gónóm mon, ke yó dum hyu béléem, hol hegfanem bè yó kem tauhu yóm kehyu kmò, lelen yó he geslà me yóm kwen ken nmoem. Ke yó dum hyu béléem, benlayem mi ken balù kihu nô béléem bè yó, mi kem tóbóng lówóhem dalang se yóm ngaem Dabid.’ ”