Tekang Kbuten 32:12 - Udél Dwata: Gna Kesfasad ne Lomi Kesfasad

¹² Hol béem klifót yóm deng kfasadem du dou yóm klaen dù hemenu bè yóm bud kuléku ne yóm kehwenem bólu là gbek tau msó kul, lómón kwen le helek bè kilil mohin.”

Tekang Kbuten 32:12 Iomraidhean Croise

Tekang Kbuten 22:17

Ne angat hol hwenu bólem, lómón kwen le blotik bè longit ne lómón kwen le helek bè kilil mohin. Ne angat le gel matù bè yó kem hohon le.

Tekang Kbuten 32:6

Timbow le bud semfulék yó kem tau hógów Jakub yó, yó tulón le ke Jakub, mon le, “Deng me gu bè twoguhem Iso ne deng sana kól bè lan nan e senlong uu. Botong fat latu tau mung du.”

1 Bok Kem Tau Hol Geta 4:20

Yóm kwen yó kem tau bè Juda ne kem tau bè Israél, hol lómón kwen le yó kem helek bè kilil mohin. Tey gsengel nawa le du yóm klowil le, abay se laen dù gónó le élél bè ken.

Kehewà 32:13

Hendemem dé yóm tehe fasad mget nmoem bè yó kem tau tehe tóbóng lówóhem ekni le Abraham ne Isak ne Jakub. Yó tehe fasadem kul, laen dù tul sónen yóm keblayem kul ból lómó kwen le blotik bè longit ne yóm angat keblayem du bè yó kem ból le yóm tonok mò hlós nfun le.”

Husiya 1:10

Okóm angat kól yóm kdawen bè yó kem tau Israél yó, angat tey kwen le lómón helek bè kilil mohin, là gbekem msó kul. Ominen bè yóm benwu tehe gónó Dwata mon du mò kul, ‘Là do tau du,’ bud bè yó se angat gónó Dwata mon du mò kul, ‘Yu se hol kun ngà yóm Dwata laen tul katayen.’

Lista 23:19

Yóm Dwata kun, là kóen mkél bè tau gel mò kéng. Là mkélen bè tau gel mesfili kehedemen. Ke wen fasad Dwata, sal gel dnohoen. Ke wen udélen, sal dohò.

Matyu 24:35

Angat tódô kmanas yóm longit dalang se yóm tonok. Okóm yóm dou udél,” mon Jisas, “là kóen na a lana.”

2 Timuti 2:13

Anien ke monol yóm nawa te ebéléen, sana yó ne yóm kun nawa ebélê te, là kóen monol, abay se là kóen megetles yóm kun kmò.”

Taytus 1:2

Yó hol nefeten nim kehtahu tekuy ni, duhen yóm klowil laen dù sónen tendo hendón te. Nim klowil ni, tehe deng fasad Dwata tekuy hnikót là deng dlimunen du he yóm benwu, ne laen kô kéngen yóm Dwata fmasad du yó.

Hibru 11:12

Balù yóm deng ktuha Abraham, lómón ke là bud gbeken du mngà, okóm deng mom du yóm alì mobung bólen. Yó kwen le, lómón blotik bè longit, ne lómón helek bè kilil mohin, là gbekem msó kul.

Hibru 6:17

Senged se yóm tehe kun nmò Dwata ekni. Bè yóm tehe kwen fasaden yó kem tau gnan, hol kóyóen ke tngón le yóm là ketlesen du yóm deng fasaden kul. Yó gónón hemlan du bè kun boluy mò hol hemget du.

1 Samwél 15:29

Hol knóón yóm kul Dwata yó kem tau Israél, là kóen mò kéng ne là gel tenlesen du hendemen abay se là mkélen bè tau tonok, gel megetles kehedemen.”