Tekang Kbuten 32:11 - Udél Dwata: Gna Kesfasad ne Lomi Kesfasad

¹¹ Hol hnihu béléem, hol lenwaem ou ke wen sidek tô nmoen béléu yóm twoguhu Iso. Tey sidek klikou, déke sut ne tódô gotu hnatayen mi kdê me, gomong kem libun ne yó kem ngà.

Tekang Kbuten 32:11 Iomraidhean Croise

Tekang Kbuten 24:27

yó monen, “Tey kdóyónu kóm, Dwata yóm gónó mogot yóm gónóhu mogot Abraham. Deng dnohoem yóm fasadem bè yóm gónóhu mogot. Tódô hekteng nalakem ou ebè yóm hol kun kwen yóm gónóhu mogot.”

Tekang Kbuten 27:41

Ya tey kutó nawa Iso ke Jakub lemwót bè yóm deng kolu mà le du. Yó hendemen, “Móyónen matay ne yóm mà. Ne ke deng matay, hnatayu Jakub.”

Tekang Kbuten 27:42

Okóm timbow tngón Ribika yóm tô atul Iso, yó gónón tmaba ke Jakub ne monen mò du, “Ó Ngà, ni hnungolem ou. Yóm twoguhem, tô natul hnatayen uu mò belesen yóm deng nmoem béléen.

Tekang Kbuten 32:3

Wen kem tau hógów Jakub tukô gna ebè yóm twoguhen Iso nô bè benwu Idom.

Tekang Kbuten 32:7

Ya tey klikò Jakub, tey ktafa nawahen. Yó gónón mólól du bè lewu bung yó kem tau mung du ne dalang se yó kem ubihahen ne kem kambingen ne kem safien ne kem kamélen.

Tekang Kbuten 33:4

Okóm ke Iso kun, tódô mlóy ebè Jakub nan e lenagaf lenkef ne neleken. Ya tey keskik le.

2 Samwél 7:18

Omin Dabid yóm tau hol geta husek elem yóm gónón nô yóm Slungan Dwata, ne myón bè yó bè solu Dwata, ne mni monen, “Ó Dwata yóm Dwata hol dandónen geta, tmau do de dalang se yó kem fes lówóhu ke lómón ni yóm deng nmoem béléu?

Kem Lingón 119:134

Lenwaem o lem tdok yó kem tau gel hemgnok dou, anì gbeku mimón du yó kem hlauhem.

Kem Lingón 142:6

Hol hnungolem yóm tey kehkoduhu béléem, yakem wen se bud nefet nawahu. Hol lenwaem o lem tdok yó kem hohonu, yakà tey le alì kemgis sentahu.

Kem Lingón 16:1

Ó Dwata, hol nofinem ou. Són uu snaligu mò gónóhu heklung.

Kem Lingón 25:20

Nofinem ou, ne lenwaem ou lem hólól le. Béem nmò gónów myak ke lu gemmò, yakà uu du gónóhu e mlo.

Kem Lingón 31:2

Henklinguhem ou, hol hnungolem ou. Géhéli hetlasik lenwaem ou. Lómón ke uu yóm botu bong gónów heklung, yóm gónô hofin alì mbegel gónó le là gmafit dou yó kem hohonu.

Kem Lingón 43:1

Ó Dwata, hol hdilóem yóm là ktahuhen yóm gel duón le dou yó kem tau là temngón kóm. Hol nfihem ou. Hewaem ou lem tdok yó kem tau mò kéng ne bè yó kem tau gel mò sidek.

Kem Udél Hlalak Tehe Selumun 18:19

Ke wen gónó le sgulé yó kem tau swè tey mgel semfyu kul senta yóm mled sotu benwu bong ne senged se yó kem tau sbólów tey mgel semfyu kul.

Danyél 3:17

Ke botem se mi elem tum tey dilóf ofi, kaem yóm Dwata kum gónó hemtahu gembek lemwà kum. Lenwaen mi lem hólólem.

Matyu 6:13

Béem bayà mi ebè yóm tilów mgel, bede hol kenlungem mi bè Seitan.’

1 Samwél 12:10

Omin le yó bud hkodu mni bè Dwata anì tnóbóngen lu. Yó udél le ebè Dwata, mon le, ‘Ó Dwata, deng me gemsalà béléem abay se deng knogol me uu ne deng me mom tmaba ebè yóm dwata lennged boluyen Baal ne bè Astarti. Okóm ni, ke hol lenwaem mi bè yó kem hohon me ne són uu ne bud gónó me e tmaba.’

1 Samwél 24:15

Dwata he kmukum kut ke mahil du bélê te mò du yóm tedeng ne Dwata he tmafak yóm tau wen salaen. Du he mfi do ne angat lenwaen o lem tdokem.”