Tekang Kbuten 32:10 - Udél Dwata: Gna Kesfasad ne Lomi Kesfasad

¹⁰ Là knóóne du yóm tey kehyu kmoem ebéléu ne yóm là konol nawahem ebéléu, olohu tau tóbóng lówóhem nim ou. Bè yóm tehe kewótu gu bè mà, mifale él Jurdan, són tugedu nwitu. Okóm bè yóm bud kuléku ni, botong lewu lumbuku.

Tekang Kbuten 32:10 Iomraidhean Croise

Tekang Kbuten 18:27

Bud mon Abraham, “Olohe tau tonok se do, laen kô dù kwalisu alì smólók kóm.

Tekang Kbuten 24:12

Yó nmò yóm tau tóbóng lówó Abraham yó, mni bè Dwata, monen, “Ó Dwata, yóm ogot yóm dou gónó mogot, hol htonem dou balaen yóm hnihu béléem kemdaw ni, ne nmoem yóm deng fasadem yóm gónóhu mogot.

Tekang Kbuten 24:27

yó monen, “Tey kdóyónu kóm, Dwata yóm gónó mogot yóm gónóhu mogot Abraham. Deng dnohoem yóm fasadem bè yóm gónóhu mogot. Tódô hekteng nalakem ou ebè yóm hol kun kwen yóm gónóhu mogot.”

Tekang Kbuten 28:13

Ne knahen Dwata mdà klohoken, yó mon Dwata mò du, “Ó Jakub, ou se yóm Dwata hol gónón mogot yóm téméem Abraham ne yóm maem Isak. Yóm tonok gónóm hlilil ni, blayu kóm ne yó kem angat sfuhem.

Tekang Kbuten 28:15

Hol béem klifót, elese tendo nô béléem ne tendo kenlungu uu balù nô gónóm e solu ne angat bud nitu uu semfulék ebè nim benwu ni. Là kô bayau kóm. Angat gotu dnohou yóm kdê deng fasadu kóm.”

Tekang Kbuten 31:3

Omin Dwata mon du, “Ó Jakub, budi mulék ebè benwu yó kem fuem ne ebè yó kem dumuhem setwoli. Elese tendo nô béléem.”

Tekang Kbuten 32:5

Deng tey wen kem safien ne kem kudà asnuhen ne kem ubihahen ne kem kambingen ne deng wen se kem heseken. Yó gónóhen tminok ebéléem, kóyóen ke mulék hyu nawahem ebéléen.’ ”

Tekang Kbuten 32:7

Ya tey klikò Jakub, tey ktafa nawahen. Yó gónón mólól du bè lewu bung yó kem tau mung du ne dalang se yó kem ubihahen ne kem kambingen ne kem safien ne kem kamélen.

2 Samwél 17:24

Deng le sana gefet bè benwu Mahanaim le Dabid. Okóm kul le Absalum ne yóm kdéen sendalù mung du, hanà le tolo mifal Él Jurdan.

2 Samwél 7:18

Omin Dabid yóm tau hol geta husek elem yóm gónón nô yóm Slungan Dwata, ne myón bè yó bè solu Dwata, ne mni monen, “Ó Dwata yóm Dwata hol dandónen geta, tmau do de dalang se yó kem fes lówóhu ke lómón ni yóm deng nmoem béléu?

Kem Lingón 16:2

Yó monu mò ke Dwata, “Uu se yóm Dwata gónóhu mogot. Hono lemwót béléem yóm kdéen hyu nô béléu.”

Kem Lingón 18:35

Yóm deng kehewaem dou, lómón ke yó se klungu. Sigel kwananem semflós hdà dou, ne yóm któbóngem dou gónóhu alì gboluy.

Kem Lingón 61:7

Hyu ke laen dù sónen yóm kogoten benwu bè solu Dwata. Hol lambungem du, Dwata, yóm là konolen yóm kbong nawam du ne yóm ktenebem béléen.

Kem Lingón 8:5

Bè yóm tehe kifilem tau, tek udì yóm gónóm là hsenged du béléem. Deng tey kehegetahem du, ne tey kadatem du.

Kem Lingón 84:7

Bè yóm igò le mógów, sónmoen temnù kgis le efet ton le Dwata bè yóm kun bulul bè Sayun yóm Dwata hol dandónen geta bè kdéen dwata.

Kem Lingón 85:10

Deng le slomong ne yóm kbong nawa là monolen ne yóm ktahuhen. Deng le sebkes yóm tedeng ne yóm kenek nawa.

Kem Udél Hlalak Tehe Selumun 4:18

Yóm kun kmò kógów klowil yóm tau tedeng kmoen lómón ke layag kdaw, són moen minut mtataw efet talak kemdaw.

Isaya 6:5

Botong monu, “Adéy, laen dù bud nefet nawahu ne. Denge golu elem hatay ne dou abay se ket udél btang bè sumóngu hono sidek. Lelen yó he nóe lem blóng yó kem tau sónmoen sidek kudél le. Blaem ni, tódô dou mata mton du yóm hol dandónen geta yóm Dwata laen dù là gbeken du.”

Isaya 63:7

Angat tulónu yóm là kilihen yóm kbong nawa Dwata tekuy. Tey kdóyónu du lemwót bè yóm deng nmoen bélê tekuy. Tey któbóng Dwata yó kem tau Israél lemwót bè yóm alì kkoduhen kul ne yóm là kilihen yóm kbong nawahen kul.

Mika 7:20

Angat hol hegfanem bè yó kem kóm tau yóm là konol nawam ebélê me ne yóm tey kbong nawahem kum, lómón yóm deng tehe fasadem bè yó kem tehe fù me ekni le Abraham ne Jakub.

Kun Snulat Luk 17:10

Lómón se yó néen yóm kuy,” monen. “Ke sok deng gotu gdeng ye yóm deng hmò Dwata kuy, tódô mon ye, ‘Olo me kem tau hkawang gel dóken ni dum kum. Tódô nmò me yóm gel hmoen kum.’ ”

Kun Snulat Luk 5:8

Bè yóm kton Simun Pitér du yóm yó, botong tódô na a mtud bukol bè solu Jisas, yó monen, “Béi hloni ebéléu, Sér, yakà tauhe gemsalà.”

2 Kurin 12:11

Tey kudélu heklabak nim ou. Là kô gmou du he yóm yó ke deng wen tehe udél ye mfi do. Baluen ke laen dù muhu, là kóe na a glaan bélê le yó kem tau tódô lembù mógów elem blóng ye yó.

Dwata 8:18

Hol hentulón ye nawa, kaem lemwót bè yóm sana kuy Dwata hol gónó mogot yóm kwen kendengen ye. Yó gónón mò du bélê ye yóm yó, abay se là gbeken kmifót du yóm deng senfasad le yó kem tehe fù ye.

1 Pitér 5:5

Ne yu kem tau lomi lemnok, hol nimón ye yó kem tau tuha senta ye. Ni hlauhu kuy yóm kdê ye, hol dnalang ye yóm keheglaan bè kem dumu ye. Abay se wen monen bè Sulat Dwata, yóm monen, “Tey kekbê Dwata kul yó kem tau hegmón, bede tnóbóngen yó kem tau hulung heglaan.”