Tekang Kbuten 31:55 - Udél Dwata: Gna Kesfasad ne Lomi Kesfasad

⁵⁵ Ne hol hlafus bè yó, gotu nelek Laban lu yó kem téméen ne yó kem ngaen libun, ominen mbal kul ne mulék ebè benwuhen.

Tekang Kbuten 31:55 Iomraidhean Croise

Tekang Kbuten 18:33

Timbow deng kestulón le Abraham, omin Dwata lemwót ne fen mulék ebè gónóen kun ke Abraham.

Tekang Kbuten 24:60

Gu laan Ribika là deng lemwót na le na nolu, mon le, “Ó Ribika, uu se yóm libun angat henbaling Dwata yê yó kem hilu kati tau. Ne yó kem bólem, angat gotu genbà le yóm syudad yó kem hohon le.”

Tekang Kbuten 28:1

Omin Isak htaba ke Jakub ne hnódóhen ne yó monen mò du, “Ó Ngà, hol béi abay myehen bè ni bè kem libun Kanan.

Tekang Kbuten 31:28

Là kô dog nam helek dou kul yó kem téméu ne yó kem ngau libun gu laan le là deng lemwót. Tey sidek nim nmoem béléu ni, Tò.

Tekang Kbuten 31:43

Omin Laban malà ke Jakub, monen, “Ni kem libun yehenem ni, hono dou ngà. Yó kem ngà le, hono dou. Ne ni kem ógóf ni, hono bud dou. Bè ktahuhen, tódô kdê ni kem tonem bè ni ni, hono dou. Okóm ni, là kô gmou du ke tô nalihu kóm yó kem ngau libun ne yó kem téméu.

Tekang Kbuten 33:4

Okóm ke Iso kun, tódô mlóy ebè Jakub nan e lenagaf lenkef ne neleken. Ya tey keskik le.

2 Samwél 19:39

Omin le gotu mifal Él Jurdan yóm kdéen tau, ne mifal se kun ke Dabid. Nahen nelek Barsilay, ominen mni béléen bè Dwata. Omin Barsilay mulék ebè yóm kun benwu.

Kem Lingón 76:10

Yóm kebut le kóm yó kem tau, yó se sotu hol gónóm megdóyón. Yóm kebut le kóm yó, mò sudengem tmafak tau.

Kem Udél Hlalak Tehe Selumun 16:7

Yóm tau ke sok hefligalen Dwata bè kmoen balù yó kem hohonen bud senfyu Dwata lu.

Lista 23:11

Omin Balak hebkó mudél ebè Balaam, monen, “Moen du ke lómón ni nmoem béléu? Yó gónów hangay kóm anì nam e henmulà lu dou yó kem hohonu. Okóm deng mom yó nmoem, deng mom nuyagem lu.”

Lista 23:5

Ne gotu tulón Dwata ke Balaam se yó kem mò htulónen du bè Balak ne ominen hulék ke Balaam etu bè Balak.

Lista 23:8

Blaem tedu se tô kehmulau kul du yó kem tau là henmulà Dwata kul? Ne tedu se kmò ktuledu kul du yó kem tau là tnuled Dwata kul?

Lista 24:25

Omin Balaam tódô mulék ne hlós mulék se ke Balak.

Dwata 32:36

Angat lenwà Dwata yó kem tauhen ke tonen yóm klaen dù bud kgis le. Knoduhen yó kem tau mimón du ne tonen là holen bud wen dù tebel bélê le. Yakà deng le gotu meglà, kem tau hesek ne kem tau là hesek le.

Rut 1:14

Omin le bud skik. Omin Urpa lemkef melek ke tuónen ne lemwót mulék. Okóm yó dum ke Rut kun, là kô kóhen du yóm kekefen ke tuónen.