Tekang Kbuten 31:50 - Udél Dwata: Gna Kesfasad ne Lomi Kesfasad

⁵⁰ Bud mon Laban, “Ke hensidekem yó kem ngau libun ne ke budi myehen dumu libun baluen ke là tngónu du, hol béem klifót wen Dwata tendo eles temngel kut.

Tekang Kbuten 31:50 Iomraidhean Croise

Jirimaya 42:5

Ominen yó udél le ebè Jirimaya, mon le, “Yó hem sana kut Dwata hol gónó mogot hol temksì kum ke là nimón me du yó kem tulónen kum.

Jirimaya 29:23

Abay se ni kem tau ni, tey gedlug yóm salà nmò le bè yó kem tauhu. Kóem snamuk le yehen yó kem dumu le sebét ne gel le mò kéng hlan le bè boluyu. Ou se temksì du nim ni,” mon Dwata.

Mika 1:2

Ó kem kdéen tau, ni mò hol hnungol ye. Yóm kdéen tau mowil talak tonok, hol hnungol ye yóm udélen ebélê ye yóm Dwata hol dandónen geta. Mudél ebélê ye gu lem tum Gónóen bè longit.

1 Tisalunika 2:5

Deng hónô tngón ye yóm kmò kwit me du yóm tehe gel tulón me kuy, là kô na me e nmò du bélê ye yóm udél hegbóy, duhen ke wen udél mò lemimun yóm gel sen-glom me. Dwata gemtanud du ktahuhen nim monu ni.

Malakay 3:5

Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.

Malakay 2:14

Sal gel mon ye, “Moen de ke là henmóyô Dwata du yó kem gel blay me du?” Yó gónón là hemmóyô du abay se bè yóm tehe kyehen ye bè yóm hanà klomi ye tau, tehe nô bè yó se Dwata fen temksì du yóm deng senfasad ye yóm libun yehen ye, yóm libun deng ndà ye nim kmoen ni, igoen lu yóm mò dumu ye sbalà, deng dumu ye sfasad.

1 Samwél 12:5

Ne yó udél Samwél ebélê le, monen, “Yó fen temksì kuy kemdaw ni bè yóm klaen dù salà deng nmou bélê ye, duhen Dwata ne yóm tau hol geta deng kun nélék.” Ne yó balà le du yó kem tau, mon le, “Dwata se fen temksì du.”

Tekang Kbuten 31:51

Ni deng wen kem botu senuduk te mò blóng te ne ni se yóm sotu botu hdà te mò heftulón du bè nawa te yóm deng kesfasad te.